Суббота, 13 апреля 2024

На казачным цягніку — па «Лесвіцы поспеху»! Раённае свята дзіцячай творчасці прайшло ў першы дзень лета ў Пружанах

663

У Пружанах 1 чэрвеня, у Дзень аховы дзяцей, прайшло ўжо традыцыйнае раённае свята дзіцячай творчасці «Лесвіца поспеху».

Сёлета гэта была тэатралізаваная пастаноўка «Падарожжа ў краіну Творчасці». Хлапчукі і дзяўчынкі разам з любімымі героямі Мінні Маўсам, Зебрай у клетачку і Губкай Бобам здзейснілі займальнае «падарожжа» на казачным цягніку, якое суправаджалася гульнямі, віктарынамі і танцавальнымі паўзамі.

Дзіцячыя калектывы раёна падтрымалі свята сваімі лепшымі творчымі нумарамі.

Мадэльная школа для дзяцей і падлеткаў «Подыум-kids» прадэманстравала новыя калекцыі школьнага і падлеткавага адзення.

А ўдзельнікі і кіраўнікі дзіцячых студый і калектываў атрымалі ўзнагароды за актыўны ўдзел у раённым свяце дзіцячай творчасці.

Гэты дзень напоўніў дзяцей і дарослых яркімі і вясёлымі эмоцыямі. Выдатны пачатак летніх канікул.

Вольга Вадзяновіч. Фота Кацярыны Масік

Фотаальбом з мерапрыемства тут: https://vk.com/album-23306785_284338353