10 верасня на базе музея «Ружанскі палацавы комплекс Сапегаў» прайшло выязное пасяджэнне міжнароднай навуковай канферэнцыі «Сапегі: асобы, кар’ера, маёнткі».
Мэта яе — прадстаўленне і пераасэнсаванне разнастайнай дзейнасці прадстаўнікоў гэтага вядомага арыстакратычнага роду Вялікага Княства Літоўскага.
У рабоце прынялі ўдзел каля 30 даследчыкаў з Беларусі, Літвы і Польшчы, а таксама зацікаўленыя прадстаўнікі грамадскасці, у коле навуковых інтарэсаў якіх знаходзяцца Сапегі.
З асноўным дакладам на тэму: «Маёнтак Ружаны ў першай палове XVII стагоддзя» выступіў доктар гістарычных навук, прафесар Інстытута гісторыі НАНБ Валянцін Голубеў.
У заключэнне для ўсіх удзельнікаў сустрэчы супрацоўнікамі музея была наладжана экскурсія па музейным комплексе і пасёлку.
Фота Алены Прохаравай.