Як паведаміў намеснік начальніка РАСК Аляксандр Марчук, за мінулы тыдзень супрацоўнікамі аддзела было ўзбуджана дзве крымінальныя справы.
Ураджэнка г.п. Шарашэва, знаходзячыся ў г.п. Ружаны, у перыяд з 1 па 10 мая 2022 года неправамерна завалодала рэквізітамі банкаўскай плацежнай карткі трымальніка ААТ «ААБ Беларусбанк». Пасля з выкарыстаннем рэквізітаў актывавала картку ў дадатку «М-Банкінг» на сваім мабільным тэлефоне. А ў перыяд з 20 па 22 чэрвеня атрымала несанкцыянаваны доступ да карт-рахунку пацярпелага і ўкрала з яго 265 рублёў. Аматарцы лёгкіх грошай пагражае да трох гадоў пазбаўлення волі.