У канцы жніўня завяршыўся наш чарговы фотаконкурс, які праводзіўся на сайце газеты. На гэты раз мы выбіралі самага абаяльнага аматара салодкага.
Традыцыйна ў фінал выйшлі 10 чалавек, а безумоўным лідарам стаў Уладзіслаў Ткачук, фота якога даслала мама Валерыя. З 556 галасоў ажно 180 набралі Ткачукі, за што і атрымалі салодкі прыз ад нашага спонсара — магазіна «Карамелька».
Вялікі дзякуй усім за ўдзел, яшчэ раз віншуем пераможцу і запрашаем сачыць за навінамі ў нашых групах у сацыяльных сетках. Новы конкурс ужо хутка!
На здымку: Улад з мамай Валерыяй і татам Віктарам.