Суббота, 13 апреля 2024

Лукашэнка павіншаваў Каталікоса ўсіх армян Гарэгіна Другога з днём нараджэння

22

Прэзідэнт Беларусі Аляксандр Лукашэнка павіншаваў Вярхоўнага Патрыярха Каталікоса ўсіх армян Гарэгіна Другога з днём нараджэння. Аб гэтым карэспандэнту БЕЛТА паведамілі ў прэс-службе беларускага лідара.

У віншаванні гаворыцца, што ў Беларусі з вялікай павагай ставяцца да адной з найстаражытнейшых у хрысціянстве Армянскай апостальскай царквы, якая захоўвае свае ўнікальныя традыцыі амаль 2 тыс. гадоў.

«Вера продкаў заўсёды была і застаецца непарушным духоўным арыенцірам і для армян, і для беларусаў, умацоўвае іх шчырую дружбу і ўзаемаразуменне, — падкрэсліў кіраўнік дзяржавы. — Упэўнены, што Вашы самаадданая асветная дзейнасць, заслужаны аўтарытэт і малітоўная дапамога будуць цалкам накіраваны на падтрыманне міру і згоды ў грамадстве, захаванне нацыянальнай самабытнасці армянскага народа».

Аляксандр Лукашэнка пажадаў Гарэгіну Другому добрага здароўя, упэўненасці ў заўтрашнім дні і невычэрпнай энергіі ў высокім служэнні.

БЕЛТА