Прэзідэнт Беларусі Аляксандр Лукашэнка павіншаваў камандаванне, асабовы склад, ветэранаў органаў пагранічнай службы Рэспублікі Беларусь з прафесійным святам — Днём пагранічніка. Аб гэтым БЕЛТА паведамілі ў прэс-службе беларускага лідара.
«Непарушнасць рубяжоў для дзяржавы — найважнейшая ўмова захавання яе суверэнітэту, незалежнасці і тэрытарыяльнай цэласнасці, а іх абарона — справа гонару, патрыятычны абавязак і асаблівая адказнасць перад народам для кожнага воіна ў зялёнай фуражцы», — гаворыцца ў віншаванні.
Кіраўнік дзяржавы адзначыў: «У нашай краіне створана сучасная, мабільная, добра аснашчаная, прафесійная пагранічная служба, якая штодзённа аператыўна рэагуе на ўсе знешнія выклікі і пагрозы, эфектыўна вырашаючы задачы па ахове Дзяржаўнай граніцы Рэспублікі Беларусь і забеспячэнні нацыянальнай бяспекі».
«Напярэдадні святкавання 80-годдзя вызвалення Беларусі ад нямецка-фашысцкіх захопнікаў мы асабліва славім герояў Вялікай Айчыннай вайны. Беражліва захоўваем памяць аб стойкасці і мужнасці пагранічнікаў, якія першымі сталі на шляху ворага і аддалі свае жыцці за нашу светлую будучыню, — падкрэсліў Прэзідэнт Беларусі. — І так павінна быць заўжды.Перакананы, што вы сёння маеце ўсе неабходныя веды, уменні і сродкі, каб пры любых умовах даць жорсткі адпор парушальнікам нашай граніцы і надзейна абараніць мір на роднай зямлі. Асаблівыя словы ўдзячнасці і пажаданні здароўя і даўгалецця ветэранам, якія прысвяцілі лепшыя гады жыцця абароне рубяжоў Айчыны».
«Жадаю ўсяму асабоваму складу і вашым сем’ям, ветэранам органаў пагранічнай службы мірнага неба, шчасця, дабрабыту і новых дасягненняў у службе на карысць нашай Радзімы», — пажадаў Аляксандр Лукашэнка.
Віншаванне Прэзідэнта Беларусі з Днём пагранічніка
Прэзідэнт Рэспублікі Беларусь
Камандаванню, асабоваму складу, ветэранам органаў пагранічнай службы Рэспублікі Беларусь
Паважаныя таварышы!
Віншую з прафесійным святам — Днём пагранічніка.
Непарушнасць рубяжоў для дзяржавы — найважнейшая ўмова захавання яе суверэнітэту, незалежнасці і тэрытарыяльнай цэласнасці, а іх абарона — справа гонару, патрыятычны абавязак і асаблівая адказнасць перад народам для кожнага воіна ў зялёнай фуражцы.
У нашай краіне створана сучасная, мабільная, добра аснашчаная, прафесійная пагранічная служба, якая штодзённа аператыўна рэагуе на ўсе знешнія выклікі і пагрозы, эфектыўна вырашаючы задачы па ахове Дзяржаўнай граніцы Рэспублікі Беларусь і забеспячэнні нацыянальнай бяспекі.
Напярэдадні святкавання 80-годдзя вызвалення Беларусі ад нямецка-фашысцкіх захопнікаў мы асабліва славім герояў Вялікай Айчыннай вайны. Беражліва захоўваем памяць аб стойкасці і мужнасці пагранічнікаў, якія першымі сталі на шляху ворага і аддалі свае жыцці за нашу светлую будучыню. І так павінна быць заўжды.
Перакананы, што вы сёння маеце ўсе неабходныя веды, уменні і сродкі, каб пры любых умовах даць жорсткі адпор парушальнікам нашай граніцы і надзейна абараніць мір на роднай зямлі.
Асаблівыя словы ўдзячнасці і пажаданні здароўя і даўгалецця ветэранам, якія прысвяцілі лепшыя гады жыцця абароне рубяжоў Айчыны.
Жадаю ўсяму асабоваму складу і вашым сем’ям, ветэранам органаў пагранічнай службы мірнага неба, шчасця, дабрабыту і новых дасягненняў у службе на карысць нашай Радзімы.
Аляксандр Лукашэнка
28 мая 2024 года.