Прэзідэнт Беларусі Аляксандр Лукашэнка павіншаваў работнікаў і ветэранаў органаў пракуратуры з прафесійным святам. Аб гэтым БЕЛТА паведамілі ў прэс-службе кіраўніка дзяржавы.
«Абараняючы правы і свабоды грамадзян, забяспечваючы вяршэнства закону і справядлівасці, захоўваючы гістарычную праўду, вы робіце ўсё для таго, каб Беларусь паступова развівалася і мацнела, а ў нашым грамадстве заўсёды панавалі мір і згода», — гаворыцца ў віншаванні.
Асабліва актуальна гэта сёння, калі на супрацоўніках органаў пракуратуры ляжыць асаблівая адказнасць за вырашэнне цэлага комплексу складаных задач у пытаннях захавання законнасці і правапарадку, барацьбы са злачыннасцю і ўмацавання нацыянальнай бяспекі, звярнуў увагу Прэзідэнт.
«Упэўнены, кожны з вас гэта добра разумее, а высокі прафесіяналізм, прынцыповасць і незалежнасць дадуць магчымасць эфектыўна процідзейнічаць новым выклікам часу», — падкрэсліў беларускі лідар.
Кіраўнік дзяржавы падзякаваў за работу ветэранам і выказаў ім удзячнасць за тое, што, з’яўляючыся ўзорам адданага служэння краіне і народу, яны заклалі трывалыя асновы функцыянавання ўсёй сістэмы органаў пракуратуры і застаюцца ў страі, перадаючы свой багаты вопыт моладзі.
Аляксандр Лукашэнка пажадаў работнікам органаў пракуратуры далейшых поспехаў у дзейнасці на карысць роднай Беларусі, а таксама моцнага здароўя, шчасця, дабрабыту ім і іх блізкім.
Віншаванне Прэзідэнта работнікам і ветэранам органаў пракуратуры з прафесійным святам
Паважаныя таварышы!
Віншую вас з прафесійным святам.
Абараняючы правы і свабоды грамадзян, забяспечваючы вяршэнства закону і справядлівасці, захоўваючы гістарычную праўду, вы робіце ўсё для таго, каб Беларусь паступова развівалася і мацнела, а ў нашым грамадстве заўсёды панавалі мір і згода.
Асабліва актуальна гэта сёння, калі на супрацоўніках органаў пракуратуры ляжыць асаблівая адказнасць за вырашэнне цэлага комплексу складаных задач у пытаннях захавання законнасці і правапарадку, барацьбы са злачыннасцю і ўмацавання нацыянальнай бяспекі.
Упэўнены, кожны з вас гэта добра разумее, а высокі прафесіяналізм, прынцыповасць і незалежнасць дадуць магчымасць эфектыўна процідзейнічаць новым выклікам часу.
Выказваю ўдзячнасць ветэранам, якія, з’яўляючыся ўзорам адданага служэння краіне і народу, заклалі трывалыя асновы функцыянавання ўсёй сістэмы органаў пракуратуры і застаюцца ў страі, перадаючы свой багаты вопыт моладзі.
Дзякую за працу.
Жадаю моцнага здароўя, шчасця, дабрабыту вам і вашым блізкім, а таксама далейшых поспехаў у вашай дзейнасці на карысць роднай Беларусі.
Аляксандр Лукашэнка.
26 чэрвеня 2023 года.