Кіраўнік дзяржавы Аляксандр Лукашэнка павіншаваў работнікаў і ветэранаў органаў дзяржаўнай статыстыкі Рэспублікі Беларусь з прафесійным святам — Днём работнікаў дзяржаўнай статыстыкі. Аб гэтым БЕЛТА паведамілі ў прэс-службе беларускага лідара.
«Ад вашай дзейнасці залежыць непасрэдна якасць жыцця людзей і стан эканомікі краіны, таму што дакладнасць і аператыўнасць прымаемых рашэнняў на ўсіх узроўнях кіравання ў многім прадвызначае прадастаўляемая вамі статыстычная інфармацыя, — адзначыў Прэзідэнт. — І чым больш складанымі становяцца тэхналогіі, вытворчыя і грамадскія адносіны, тым вышэйшы попыт на вынікі вашай працы. Функцыі сучаснай статыстыкі ўжо даўно выходзяць за рамкі збору і апрацоўкі справаздач. Удасканальваецца тэхніка, пастаянна ідзе пошук і ўкараненне альтэрнатыўных крыніц даных, паляпшаюцца метады работы з імі і іх распаўсюджвання, але нязменнымі застаюцца вашы высокі прафесіяналізм, бесстароннасць, адказнасць і патрыятызм».
Аляксандр Лукашэнка выказаў перакананасць, што і ў далейшым кожны будзе гэтак жа аддана і з максімальнай аддачай служыць любімай справе, паспяхова вырашаючы дзяржаўныя задачы.
Прэзідэнт пажадаў усім моцнага здароўя, шчасця, дабра і пакарэння новых прафесійных вяршынь.