Четверг, 25 апреля 2024

Лукашэнка: Беларусь –самая міралюбная краіна ў свеце

48

Беларусь – самая міралюбная краіна ў свеце. Аб гэтым Прэзідэнт Беларусі Аляксандр Лукашэнка заявіў журналістам, перадае карэспандэнт БЕЛТА.

«Самая міралюбная краіна ў свеце – Беларусь. Мы хочам толькі міру. І не трэба нас папракаць, што мы збіраемся супраць іх (Захаду. – Заўвага БЕЛТА) ваяваць. Гэтак жа ніхто ў Расіі не збіраецца ваяваць з НАТА. Але калі сунуцца ў гэтым напрамку, адказ будзе імгненным. Мы ўсе ўстанем, як Брэсцкая крэпасць», — заявіў кіраўнік дзяржавы.

«Я тысячу разоў сказаў: мы не будзем з вамі ваяваць, калі вы нас не чапаеце, мы не збіраемся наступаць на гэтым участку. Ніякі Пуцін, ніякія ваенныя ў Расіі перад сабой мэты гэтыя не ставяць», – падкрэсліў беларускі лідар.

Кіраўнік дзяржавы яшчэ раз заклікаў спакойна і ціха займацца эканомікай. «Так, гэта цяжка. Гэта няпроста. Але гэта значна лягчэй, чым ваяваць. Таму што акрамя таго, што там цяжка, застрэліць жа могуць. Таму я катэгарычна супраць вайны. Барані бог ваяваць», – сказаў ён.

Разам з тым ён нагадаў тэзіс аб тым, што трэба быць гатовымі да вайны, каб не дапусціць яе. «Бачу, што за апошнія год-два наша армія змянілася, і яна прадаўжае мяняцца», – заявіў Аляксандр Лукашэнка.

Ён нагадаў, што ў свой час даручаў весці работы на напрамку беспілотнікаў, і сёння ён як ніколі запатрабаваны. «Мы рушылі наперад у гэтым напрамку. Захаваны прадпрыемствы па профілі радыеэлектроннай барацьбы, якія ствараюць добрыя ўзоры», – прывёў прыклады Прэзідэнт.

БЕЛТА