Айчынныя распрацоўкі ваенна-прамысловага комплексу здольны здзівіць і ацвярэзіць людзей, якія выношваюць агрэсіўныя планы адносна Беларусі і Саюзнай дзяржавы. Аб гэтым Прэзідэнт Беларусі Аляксандр Лукашэнка заявіў на нарадзе аб стане і развіцці мікраэлектронікі, перадае карэспандэнт БЕЛТА.
Кіраўнік дзяржавы звярнуў увагу на значны патэнцыял і дасягненні ваенна-прамысловага комплексу краіны. «Беларускія радыёлакацыйныя сістэмы рознага прызначэння здольны даць дакладнае цэлеўказанне па любых, нават самых распіяраных, сродках нападзення. Прычым у любое надвор’е і на любых вышынях», — прывёў ён прыклад. Беларусь, паводле яго слоў, уваходзіць у лік сусветных лідараў па сродках радыёэлектроннай барацьбы. Многае зроблена ў сферы вытворчасці беларускай разумнай беспілотнай тэхнікі.
«Нашы распрацоўкі здольны здзівіць і, галоўнае, ацвярэзіць людзей, якія выношваюць агрэсіўныя планы адносна Беларусі і Расіі, Саюзнай дзяржавы ў цэлым, — падкрэсліў Аляксандр Лукашэнка. — Аднак нават у абароннай сферы мы пакуль яшчэ залежныя ад імпартных кампанентаў, асабліва тых, якія мы ніколі не будзем вырабляць у Беларусі з прычыны таго, што нам проста штучна яны патрэбны, адзінкава, і ствараць велізарныя заводы за мільярды долараў, каб сябе аснасціць, — які ідыёт гэта будзе рабіць. Гэта проста нерэнтабельна».
У цяперашніх умовах там, дзе гэта магчыма, ад такой залежнасці лепш адыходзіць, упэўнены кіраўнік дзяржавы.