Каб былі сілы добра працаваць, трэба і добра харчавацца. Пра гэта клапоцяцца работнікі сталовай ААТ «Жураўлінае», якая размешчана ў прыгожым Доме механізатара гаспадаркі ў аг. Клепачы.
Калі мы завіталі ў сталовую разам са старшынёй раённай арганізацыі прафсаюза работнікаў АПК Вольгай Зубковай, ішло прыгатаванне вячэры. У меню ў гэты дзень было бульбяное пюрэ з хатнімі каўбаскамі і марынаванымі агуркамі, кампот.
Сталовая, дарэчы, працуе не сезонна, а круглы год. Прыйсці сюды, каб падсілкавацца можа любы жадаючы. І паўнавартасны абед недарагі, а для работнікаў гаспадаркі дык і зусім амаль задарма.
Супрацоўнікі аб’екта харчавання стараюцца складаць смачнае меню, каб наведвальнікі засталіся не проста сытымі, але і задаволенымі.
Віктар Ільюшчанка
Фота аўтара