Воскресенье, 14 июля 2024

Фотафакт. Каля будынка цэнтральнай раённай бібліятэкі ў Пружанах і «Белпошты» ў Шарашэве з’явіліся новыя пандусы

240

Стварэнне безбар’ернага асяроддзя — гэта клопат пра інтарэсы фізічна аслабленых людзей — тых, хто адчувае цяжкасці пры самастойным перамяшчэнні, пры атрыманні паслуг і неабходнай інфармацыі, пры арыентаванні ў прасторы.

Пандус каля цэнтральнай бібліятэкі ў Пружанах.

У рамках Дзяржаўнай праграмы «Сацыяльная абарона» на 2021 — 2025 гады ў нашым раёне ствараецца даступнае асяроддзе жыццядзейнасці для людзей з абмежаванымі магчымасцямі. Зусім нядаўна, напрыклад, каля будынка цэнтральнай раённай бібліятэкі ў Пружанах з’явіўся пандус. Безумоўна, там, дзе прыступкі настолькі высокія, яго наяўнасць была проста неабходная.

Зручнасць новага элемента безбар’ернага асяроддзя ўжо ацанілі тыя, для каго ён быў прызначаны ў першую чаргу: са словамі падзякі адпаведным службам у нашу рэдакцыю ўжо паступіла некалькі тэлефанаванняў! Адно з іх — ад інваліда-калясачніка Генадзя Шаўчэнкі.

Пандус каля будынка пошты ў Шарашэве.

Дарэчы, яшчэ летам пандус быў уладкаваны каля будынка пошты ў Шарашэве.

Вольга Басак. Фота Кацярыны Масік