IX Форум рэгіёнаў Беларусі і Расіі «Роля міжрэгіянальнага супрацоўніцтва ў паглыбленні інтэграцыйных працэсаў Саюзнай дзяржавы» праходзіць у Гродне, перадае карэспандэнт БЕЛТА.
Адкрыла форум у 9.00 работа 6 секцыйных пасяджэнняў: «Заканадаўства Саюзнай дзяржавы: сучасны стан і асноўныя напрамкі далейшага збліжэння», «Супрацоўніцтва Расіі і Беларусі ва ўмовах новага міжнароднага кліматычнага парадку дня», «Беларуска-расійскае ўзаемадзеянне ў сферы АПК як важнейшая ўмова забеспячэння харчовай бяспекі Саюзнай дзяржавы», «Адзіная навукова-тэхналагічная прастора Расіі і Беларусі як фактар забеспячэння глабальнай канкурэнтаздольнасці і бяспекі Саюзнай дзяржавы», «Інтэграцыя сістэмы вышэйшай адукацыі Расіі і Беларусі: рэгіянальны аспект», «Эфектыўнае імпартазамяшчэнне ў Саюзнай дзяржаве: праекты, стымулы, каардынацыя».
У другой палавіне дня пройдзе сумеснае пасяджэнне Прэзідыума Маладзёжнага савета (парламента) пры Нацыянальным сходзе Рэспублікі Беларусь і Савета Палаты маладых заканадаўцаў пры Савеце Федэрацыі Федэральнага сходу Расійскай Федэрацыі. Пройдзе таксама пасяджэнне сумеснага беларуска-расійскага дзелавога савета. Яго ўдзельнікі абмяркуюць найбольш актуальныя пытанні беларуска-расійскага супрацоўніцтва, уключаючы імпартазамяшчэнне і абарону ўнутранага рынку, інтэграцыю прамысловага патэнцыялу дзвюх краін, механізмы падтрымкі малога і сярэдняга прадпрымальніцтва ў сувязі з санкцыйным націскам у Беларусі і Расіі, лічбавыя тэхналогіі для бізнесу, магчымасці абароны інтарэсаў пастаўшчыкоў і пакупнікоў з дапамогай міжнароднага арбітражу. Акрамя таго, запланавана падпісанне двухбаковых пагадненняў аб супрацоўніцтве і кантрактаў. Усяго прадстаўнікі беларускага і расійскага бізнесу падпішуць 11 дакументаў.
Акрамя таго, сёння адбудзецца дзявятае пасяджэнне Міжпарламенцкай камісіі Савета Рэспублікі Нацыянальнага сходу Рэспублікі Беларусь і Савета Федэрацыі Федэральнага сходу Расійскай Федэрацыі па міжрэгіянальным супрацоўніцтве.
Другі дзень форуму адкрые сустрэча старшыні Савета Рэспублікі Наталлі Качанавай і старшыні Савета Федэрацыі Валянціны Мацвіенка з кіраўнікамі органаў дзяржаўнай улады рэгіёнаў Рэспублікі Беларусь і суб’ектаў Расійскай Федэрацыі. Акрамя таго, адбудзецца пленарнае пасяджэнне «Роля міжрэгіянальнага супрацоўніцтва ў паглыбленні інтэграцыйных працэсаў Саюзнай дзяржавы» з удзелам кіраўнікоў міністэрстваў і ведамстваў, органаў дзяржаўнай улады, прадпрыемстваў і арганізацый, прадстаўнікоў дзелавых колаў Беларусі і Расіі.
У рамках мерапрыемстваў форуму пройдзе падпісанне міжурадавых і міжрэгіянальных пагадненняў аб супрацоўніцтве і іншых дакументаў, накіраваных на пашырэнне двухбаковага супрацоўніцтва.
