Воскресенье, 25 февраля 2024

Фігурыстка Крысціна Валасюк заваявала серабро першынства «Восеньскія сустрэчы»

217

Юная жыхарка Брэста, якая трэніруецца на пружанскім лёдзе, зноў парадавала пераможнай навіной.

У мінулыя выхадныя Крысціна прымала ўдзел у адкрытым першынстве па фігурным катанні на каньках «Восеньскія сустрэчы». Праводзіліся спаборніцтвы на базе сталічнай ДЮСШ па фігурным катанні на каньках Галоўнага ўпраўлення спорту і турызму Мінгарвыканкама.

Крысціна Валасюк выступала ў малодшай групе другога спартыўнага разраду. Паспяховыя пракаты падчас кароткай і адвольнай праграм (і ў першай, і ў другой спартсменка стала заняла ІІ месца) дапамаглі ёй стаць сярэбраным прызёрам спаборніцтваў.

Нагадаем, што трэнеры фігурысткі — Вольга Уважаная, Таццяна Хадаровіч і Юрый Цішкоў.

Уладзіслаў Шпарла