Адбылося дарожна-транспартнае здарэнне вечарам 23 кастрычніка паблізу ад в.Слабудка. 
Аўтамабіль, якім кіраваў жыхар г.Мінска, пры абгоне лесавоза выехаў на паласу сустрэчнага руху, дзе і здарылася лабавое сутыкненне з машынай, за рулём якой знаходзіўся пружанец. У выніку ўдару абодва аўто былі моцна пашкоджаны, і цяпер яны годныя толькі для разбору на запчасткі. Самі ж вадзіцелі не пацярпелі.
Абставіны здарэння зараз правяраюць супрацоўнікі ДАІ.
Віталь Патапчук, старшы дзяржаўтаінспектар.
