Як расказала нам памочнік дэпутата, старшыня раённага аб’яднання прафсаюзаў Таццяна Гаманчук, па цяперашні час застаюцца акутальнымі для дэпутацкага корпуса пытанні рэалізацыі Дэкрэта Прэзідэнта Рэспублікі Беларусь ад 2 красавіка 2015 года № 3 «Аб садзейнічанні занятасці насельніцтва», Пастанова Савета Міністраў Рэспублікі Беларусь ад 24 красавіка 2018 года № 314 «Аб вызначэнні паслуг, якія даюцца працаздольным грамадзянам, не занятым у эканоміцы, па цэнах (тарыфах), якія забяспечваюць поўнае пакрыццё эканамічна абгрунтаваных выдаткаў на іх аказанне, і аб умовах іх давання». У ходзе наведвання Пружанскага раёна Юрый Наркевіч надаў гэтай тэме асаблівую ўвагу. Дэпутат сустрэўся з членамі камісіі па каардынацыі работы па садзейнічанні занятасці насельніцтва, абмеркаваў дадзенае пытанне са спецыялістамі Пружанскага КУВП «Камунальнік».
— Папярэджанне сацыяльнага ўтрыманства, стымуляванне працаздольных грамадзян да працоўнай дзейнасці, забеспячэнне выканання канстытуцыйных абавязкаў грамадзян па ўдзеле ў фінансаванні дзяржаўных выдаткаў — асноўная задача ў сумеснай рабоце зацікаўленых службаў у дадзеным накірунку, — адзначыў Юрый Іосіфавіч.
Затым Юрый Наркевіч правёў прыём грамадзян і юрыдычных асоб у Пружанскім сельвыканкаме, жыхары раёна мелі магчымасць звярнуцца да дэпутата і падчас «прамой тэлефоннай лініі».
Цікавай і змястоўнай была паездка ў Слабадскую сярэднюю школу, у якой таксама прыняў удзел член Палаты прадстаўнікоў Нацыянальнага сходу Рэспублікі Беларусь, дырэктар ААТ «Жураўлінае» Аляксандр Пішч. Дэпутата і сенатара зацікавіла работа летняга лагера, які дзейнічае пры школе. Дырэктар установы адукацыі Эльміра Токарава расказала аб функцыянаванні лагера. У памяшканні прывітальнымі вершамі нас сустрэлі выхаванцы. Затым начальнік лагера, настаўніца малодшых класаў Алёна Літвінчук расказала аб распарадку дня, занятках. Прайшлі па памяшканнях, пагутарылі з дзецьмі, азнаёміліся з работай сталовай, меню. Юрый Іосіфавіч і Аляксандр Іванавіч далі высокую ацэнку рабоце лагера і яго персаналу, выказалі ўпэўненасць, што арганізацыя заняткаў дзяцей у канікулярны час — вельмі патрэбная справа.
Таксама Юрый Наркевіч, Аляксандр Пішч, старшыня Пружанскага раённага Савета дэпутатаў Мікалай Кудравец, які на працягу ўсяго дня працаваў з парламентарыямі, далі высокую ацэнку рабоце спартыўных аб’ектаў, фарміраванню здаровага ладу жыцця насельніцтва. Наведваючы скейт-пляцоўку ў г. Пружаны, якая была адкрыта падчас правядзення спартыўна-культурнага фестывалю «Вытокі», дэпутат і сенатар пагутарылі з моладдзю. Была адзначана актуальнасць новага спартыўнага аб‘екта не толькі для жыхароў Пружанскага раёна, але і наогул для паспяховага развіцця нашай краіны.
Віктар Ільюшчанка. Фота Кацярыны Масік