Як паведаміў намеснік начальніка РАСК Аляксандр Марчук, за мінулы тыдзень супрацоўнікамі аддзела было ўзбуджана пяць крымінальных спраў.
Жыхар Пружанскага раёна вырашыў паправіць матэрыяльнае становішча за чужы кошт. Справа ў тым, што мужчына ў цэнтры г.п. Ружаны знайшоў чужую банкаўскую картку. Замест таго, каб пастарацца вярнуць яе законнаму ўладальніку, ажыццявіў несанкцыянаваны доступ да камп’ютарнай інфармацыі, якая дазваляе ажыццяўляць аперацыі з карт-рахункам уладальніка карткі. Пасля чаго правёў неаднаразовыя безнаяўныя плацяжы за набытыя тавары ў розных гандлёвых аб’ектах г.п. Ружаны. Агульная сума ўкрадзенага склала 168 рублёў.
Мужчыне пагражае да трох гадоў пазбаўлення волі.