Металічная выява магутнага зубра — сімвала Белавежскай пушчы і Брэстчыны — з‘явілася на мінулым тыдні на ўездзе ў Пружаны, каля льнозавода.
Яе зрабіў майстар з аг. Лінова Аляксандр Кійко.
«Фотазонай» назваць волата нават язык не паварочваецца. Аднак спадзяёмся, што ў хуткім часе фотаздымкі новай выбітнасці, зробленыя гасцямі маштабных мерапрыемстваў, што плануюцца на лета ў нашым райцэнтры, разляцяцца па месенджарах. І нашы Пружаны стануць пазнаваць і па гэтым легендарным асілку.