Чарговае пасяджэнне пастаянна дзеючай камісіі па каардынацыі работы па садзейнічанні занятасці насельніцтва прайшло 10 кастрычніка.
Нагадаем чытачам, што дзейнасць камісіі накіравана на рэалізацыю Дэкрэта Прэзідэнта Рэспублікі Беларусь ад 2 красавіка 2015 года № 3 «Аб садзейнічанні занятасці насельніцтва».
Адкрываючы пасяджэнне, старшыня раённага Савета дэпутатаў Мікалай Кудравец адзначыў, што работа камісіі накіравана на максімальнае садзейнічанне занятасці ўключаных у базу дадзеных працаздольных грамадзян, не занятых у эканоміцы.
Пачынаючы з верасня 2023 года, камісіяй адпрацоўвалася база дадзеных працаздольных грамадзян, не занятых у эканоміцы ў 2 квартале 2023 года.
Непрацуючыя грамадзяне інфармаваліся пра ўключэнне іх у базу дадзеных, запрашаліся на пасяджэнне камісіі, накіроўваліся ў аддзел занятасці ўпраўлення па працы, занятасці і сацыяльнай абароне райвыканкама для аказання садзейнічання занятасці. Пра гэта паведаміла сакратар камісіі па садзейнічанні занятасці Алена Гардзіенка.
На падставе дакументаў, пададзеных грамадзянамі, камісіяй былі прыняты рашэнні аб прызнанні занятымі ў эканоміцы 35-ці грамадзян, якія падцвердзілі занятасць на тэрыторыі дзяржаў-удзельніц Еўразійскага эканамічнага саюза (а гэта, нагадаем, Рэспуб-ліка Арменія, Рэспубліка Беларусь, Рэспубліка Казахстан, Кыргызская Рэспубліка і Расійская Федэрацыя). Дванаццаці грамадзянам было адмоўлена ў прызнанні занятымі, таму што яны працуюць у Польшчы, Літве, Латвіі і іншых краінах Еўрапейскага саюза.
Камісія нагадвае, што аплата паслуг па гарачым вода- і цеплазабеспячэнні па поўных тарыфах у 5,1 раза вышэй, чым па субсідзіраваным тарыфе, а аплата паслуг па газазабеспячэнні — у 2,8 раза вышэй.
Для незанятых асоб прадугледжаны розныя меры садзейнічання занятасці: працаўладкаванне на маючыя вакансіі, магчымасць прафесійнай падрыхтоўкі і перападрыхтоўкі, садзейнічанне ў прад-прымальніцкай дзейнасці і іншае.
Для аказання садзейнічання непрацуючыя грамадзяне могуць звяртацца ў адзел занятасці ўпраўлення па працы, занятасці і сацыяльнай абароне райвыканкама па адрасе: г. Пружаны, вул. Чырвонаармейская, 78, кабінет 102.
Віктар Ільюшчанка