Автор: Владислав

30 марта 2023 года в 11.00 на базе государственного учреждения культуры «Пружанский городской Дворец культуры» (г. Пружаны ул. Советская, д. 10.) состоится областной конкурс «Педагог социальный года». Областной конкурс «Педагог социальный года» организован главным управлением по образованию Брестского облисполкома и государственным учреждением образования «Брестский областной социально-педагогический центр» в целях повышения эффективности работы учреждений образования по социально-педагогической поддержке обучающихся, создания условий для обеспечения стабильного профессионального кадрового состава педагогов социальных в учреждениях образования, изучения и распространения передового опыта работы, поощрения и профессионального стимулирования специалистов. Конкурс проводится по чет

15 сакавіка краіна адзначыла Дзень Канстытуцыі Рэспублікі Беларусь. Асноўны Закон нашай дзяржавы ўвасобіў у сабе пераемнасць і вопыт шматвяковага гістарычнага шляху Беларусі, азнаменаваў першы этап у палітычным і сацыяльна-эканамічным развіцці краіны. У сераду ў гарадскім Палацы культуры адбылося ўрачыстае мерапрыемства, прысвечанае Дню Канстытуцыі Рэспублікі Беларусь. Да ўсебеларускай акцыі «Мы — грамадзяне Беларусі» далучыліся прадстаўнікі вучнёўскай моладзі і кіраўніцтва раёна. Вучань Шаняўской школы Сяргей Пекун атрымлівае пашпарт з рук старшыні райвыканкама Міхаіла Грышкевіча. Напэўна, для кожнага маладога чалавека момант атрымання пашпарта з’яўляецца ўрачыстым і запамінальным. 19-ці лепшым старшакласнікам устаноў адукацыі раёна выпаў гонар атрымаць пуцёўку ў дарослае жыццё

Цікавы і ў нечым каверзны эпізод у нашым горадзе падказалі чытачы. Гэта вуліца Макаранкі ў райцэнтры. На ёй, паралельна дарозе, знаходзіцца вадаём. Купанне ў ім забаронена, пра што паведамляе адпаведная таблічка. Толькі вось месціцца яна... на дрэве. Ці кідаецца ў вочы? Безумоўна! Вось толькі прачытаць, што напісана, можна не адразу: мяшаюць веткі. Ды і ці павінна так быць? Таблічка ставіць у ступар, калі не заўважыць вадаём адразу. Таму, можа, на слупе побач з ім яна была б больш дарэчнай? Пытанне пакуль што адкрытае. Уладзіслаў Шпарла

Пра новаўвядзенні ў чарговым навучальным годзе і актуальнае становішча спраў у сістэме адукацыі раёна — у інтэрв’ю з начальнікам аддзела па адукацыі Пружанскага райвыканкама Ірынай Казарэз. — Ірына Анатольеўна, на жнівеньскай педагагічнай канферэнцыі Вы акцэнтавалі ўвагу на тым, што сёлета многія новаўвядзенні ў адукацыйным працэсе звязаны з нядаўнім абнаўленнем Кодэкса аб адукацыі… — Так. Цяпер, напрыклад, згодна з яго новай рэдакцыяй, абавязковай становіцца агульная сярэдняя адукацыя, інакш кажучы, пасля заканчэння 9 класа нельга застацца проста з пасведчаннем аб базавай адукацыі. Гэта не значыць, што ўсе вучні абавязаны працягваць навучанне ў 10-м і 11-м класах: «даатрымаць» веды можна і ва ўстановах прафесійна-тэхнічнай або сярэдняй спецыяльнай адукацыі. — Што за нова

«Кажуць, што цукар заўтра будзе па 4.60!» — такое паведамленне даслаў мне сябар з Брэста яшчэ ў мінулую нядзелю. Першай рэакцыяй было здзіўленне, затым – сумненне, а потым – шок. І зусім не ад росту цэн, якія так і засталіся на ранейшым узроўні, а ад спажывецкага ажыятажу. У абласным цэнтры людзі літаральна змялі з паліц салодкі прадукт, пацвярджэннем сталі шматлікія фота і відэа ў інтэрнэце. Дайшла паніка і да Пружан. Дык як жа развівалася сітуацыя ў нашым раёне? Цукару Жабінкаўскага завода ва "Універсаме" хапае, цана -- 2,57 р. Калі перафразаваць класіка, то, бадай, галоўным пытаннем адыходзячага тыдня стала «Браць ці не браць?» І некаторыя жыхары горада аддалі перавагу першаму варыянту, так сказаць, захварэлі на «цукровую хваробу». Ужо было не важна, хто вытворца. З пустымі п

Філіял «Аграэнерга Зеляневічы» РУП «Брэстэнерга» (в.Зеляневічы Пружанскага р-на) запрашае на пастаянную работу: ветэрынарнага ўрача-гінеколага (адукацыя вышэйшая, ветэрынарная);ветэрынарнага фельчара (адукацыя сярэдняя спецыяльная, ветэрынарная);юрысконсульта (адукацыя вышэйшая, юрыдычная — стаж працы не менш за 3 гады; адукацыя сярэдняя спецыяльная — стаж працы — не менш за 5 гадоў);электраманцёра па рамонце і абслугоўванні электраабсталявання (адукацыя прафесіянальна-тэхнічная або сярэдняя спецыяльная);трактарыста-машыніста сельскагаспадарчай вытворчасці. Даюцца аднакватэрныя жылыя дамы і добраўпарадкаваныя жылыя пакоі. Стабільная заработная плата, поўны сацыяльны пакет. Кантактныя тэлефоны: 68-0-75, 8-033-886-44-60.

Выбар імя для свайго гадаванца часам пераўтвараецца ў сапраўдны квэст. Многія хочуць даць хатняй жывёле якую-небудзь рэдкую або незвычайную мянушку. Некалькі рэкамендацый, як лепш падысці да гэтага працэсу, дала наш пастаянны дарадчык і памочнік ветэрынарны ўрач Пружанскай раённай ветэрынарнай станцыі Алена Астудзіна. Спадзяёмся, што парады Алены Міраславаўны зробяць выбар мянушкі для вашага гадаванца лягчэйшым і камфортным для зносін з ім. Каб было прасцей і самому гаспадару, і жывёле, лепш каб мянушка была кароткай і гучнай. У першую чаргу, варта звярнуць увагу на знешнасць гадаванца. Як рабілі нашы бабулі: з плямкай на пысцы — Мурзік, рыжы кот ці сабака — Рыжык, Мандарын, Апельсін. Можна ўзяць за аснову характар жывёлы, а ён часта праяўляецца з першых дзён яе жыцця. Паназі

Хатнія жывёлы для многіх — гэта паўнавартасныя члены сям’і. Мы песцім іх, купляем вопратку і самы смачны корм, замілоўваемся іх выхадкамі. Кажуць, што кожны гадаванец нечым падобны на свайго гаспадара. Магчыма. Але гэта азначае, што яны, як і мы, вельмі розныя. Некалькі жыхароў нашага горада пагадзіліся падзяліцца аповедам пра сваіх улюбёнцаў. Наталля і кошачка Фіфа — Фіфа аказалася ў мяне прыкладна ў двухмесячным узросце. Мне яе падарыў зяць, які падабраў гэтую прыгажуню на вуліцы ў Брэсце. Паднялася ж у кагосьці рука выкінуць! Вось Фіфачка і стала жыць у мяне. Аказалася, што гэта пародзістая кошачка — руская блакітная. Яна на вуліцы не жадае гуляць. Аднойчы я паспрабавала вынесці яе, але Фіфа зыркнула на мяне з такім папрокам, маўляў, нясі назад, што мне тут рабіць. Я больш і

Калі ўпершыню заказала набор капкейкаў у кандытара, якая працуе на даму, хвалявалася: а раптам не спадабаюцца афармленне і смак дэсертаў? Але пераступіла парог кватэры, дзе жыве Наталля Ануфрыенка, — і нечакана адчула: ад маладой гаспадыні зыходзіць рэдкая па сваёй сіле, прыцягальная энергетыка… Тады і зразумела: гэты кандытар не падвядзе. «Хтосьці добра пахваліў» Назіраючы за Наталляй і яе кандытарскай дзейнасцю, я не магла паверыць, што ў настолькі неардынарнага чалавека ў дзяцінстве не было ніякага хобі. У школьныя гады, якія прайшлі ў Хараве, дзяўчына лавіла сябе на думцы, што, напэўна, магла б стаць някепскім арганізатарам вяселляў, аднак куды мацней яе цягнула да настаўніцкай дзейнасці. Пасля заканчэння БрДУ імя А.С. Пушкіна выкладала гісторыю ў Шаняўской школе, у С

Калектыў МТФ «Мурава» — жывёлавод Галіна Бегаль, аператар машыннага даення Алена Сівачэнка, аператар машыннага даення Людміла Бернікава, галоўны ветурач гаспадаркі Аліна Баян, аператар машыннага даення Наталля Міхалевіч, загадчыца фермы Людміла Чарняк, памочнік загадчыцы Людміла Канявега, ветурач фермы Дар’я Лявоцкая. Шчыра мы заўжды працуем,«Муравы» дабрабыт мацуем.Нам кароўкі як радня,Без нас не могуць жыць ні дня. Аператары машыннага даення МТК «Мурава» Галіна Рудчык, Таццяна Сідарчук, Эвеліна Фядотава. Пра каровак усё мы знаем,Надоі ўвесь час падымаем.Працуем мы старанна і з душою,Каб малако цякло не ручаём — ракою. Работнікі МТК «Ізбіцы» – асемянатар Марыя Еўтуховіч, аператар машыннага даення Надзея Анташок. Мы цялятак вельмі любім,Даглядаем іх, галубім.І яны н

Дырэктар ААТ «Пружанскі малочны камбінат» Аляксандр Лось: — Наш малочны камбінат выпускае прадукцыю высокай якасці, і гэта пацвярджаецца шматлікімі ўзнагародамі, якія мы прывозім кожны год з выстаў рознага маштабу. Вышэйсказанае дае падставу гаварыць аб тым, што калектыў у нас працавіты, згуртаваны і накіраваны на заваяванне новых прафесійных вяршынь. І вельмі прыемна, што немалаважную ролю ў справе развіцця прадпрыемства адыгрываюць нашы непараўнаныя цудоўныя жанчыны. Зразумела, каб выказаць сваё захапленне жанчыне, не патрэбна шукаць асаблівую нагоду. Гэта, па магчымасці, трэба рабіць кожны дзень, каб яна адчувала сябе патрэбнай, паважанай, каханай. Але ёсць дзень, калі мы, мужчыны, павінны прыкласці ўсе намаганні для таго, каб яна, наша непаўторная, адчула сябе каралевай, той