У Пружанскім раёне Кіраўнік дзяржавы наведае ААТ «Жураўлінае».
Акрамя дакладаў аб ходзе сельгасработ і сацыяльна-эканамічным развіцці рэгіёну, Аляксандр Лукашэнка азнаёміцца з рознымі гатункамі і гібрыдамі рапсу, прадукцыяй, што вырабляецца з насення расліны.
У цэнтры ўвагі будзе тэхналогія апрацоўкі культуры, сяўба азімых.
Кіраўніку дзяржавы прадставяць узоры айчынных сеялак.
Плануецца, што традыцыйна Прэзідэнт азнаёміцца і з умовамі эксплуатацыі, утрымання і рамонту сельгастэхнікі.
Аляксандр Лукашэнка неаднаразова падкрэсліваў важнасць рапсу для развіцця сельскай гаспадаркі. Гэта каштоўная алейная і кармавая культура, крыніца высакаякаснага алею і кармавога бялку.
Па матэрыялах БЕЛТА