Адразу трыма новымі аўто для абслугоўвання сельскіх жыхароў папоўніўся аўтамабільны парк Пружанскага райспажыўтаварыства.
Новыя аўталаўкі выпушчаны на базе Мінскага аўтамабільнага завода і былі распрацаваны для таго, каб абслугоўваць сельскае насельніцтва. Гэта, як адзначылі ў Пружанскім РСТ, 160 населеных пунктаў і 4800 жыхароў — такая зона абслугоўвання таварыства на сёння.
Новыя аўтамагазіны павышанага аб’ёму, а значыць, дазваляюць перавезці большую колькасць тавару. Гэта, у сваю чаргу, садзейнічае пашырэнню асартыменту для сельскіх жыхароў.
— Гэта не аўтамабіль, а касмічны карабель! Аўтамагазін укамплектаваны халадзільным абсталяваннем як нізкатэмпературнага, так і сярэднетэмпературнага рэжымаў для таго, каб асартымент тавараў, якія дастаўляюцца ў сельскую мясцовасць, максімальна пашырыць: пачынаючы ад хлеба і заканчваючы марожаным, паўфабрыкатамі і іншым, — адзначыў старшыня праўлення Пружанскага райспажыўтаварыства Дзмітрый Карпей.
Алена Зубко
Фота Руслана Басака