Вторник, 14 июля 2020

Рэцэпты на Біс

Рэцэпты на Біс: ролы «Філадэльфія» ў хатніх умовах

Рэцэпты на Біс: ролы «Філадэльфія» ў хатніх умовах

Профессия, Рэцэпты на Біс
Рэцэпт ад фатографа Сяргея СЦЕПАНЮКА. ІНГРЭДЫЕНТЫ: сыр «Філадэльфія» (ці любы несалодкі сметанковы сыр без дабавак) — 150 г, агурок свежы — 1 шт., круглазерневы рыс — 1 шклянка, вада — 1,5 шклянкі, запраўка для рысу — каля 50 мл, слабасалёная чырвоная рыба — 200 г, норы (прасаваныя водарасці) — некалькі лістоў. ПРЫГАТАВАННЕ Рыс адварыць. Агурок ачысціць ад лупіны і нарэзаць доўгай саломкай. Вострым нажом (нож для наразання ўсіх прадуктаў для ролаў павінен быць абавязкова вострым) зрэзаць з рыбнага стэйка шкурку, каб атрымаць ідэальнае філе, выдаліць костачкі, нарэзаць невялічкімі кавалкамі. Цыноўку (спецыяльны дыванок для прыгатавання ролаў) заслаць харчовай плёнкай. Зверху пакласці палову ліста норы. Па паверхні норы мокрымі рукамі размеркаваць рыс (140-170 г). Сачыць,
Рэцэпты на Біс: японская страва «Тэмпура»

Рэцэпты на Біс: японская страва «Тэмпура»

Профессия, Рэцэпты на Біс
Рэцэпт ад Сяргея Лявоненкі. — Прызнаюся, сам я гатаваў гэтую страву толькі некалькі разоў. Але вельмі люблю, калі яе гатуе мая мама Ганна Пятроўна. Дарэчы, гэты рэцэпт яна знайшла ў рамане японскага аўтара. ІНГРЭДЫЕНТЫ: гарбузовыя або кабачковыя кветкі, алей, сырое яйка, сода, мука, пятрушка, кроп, зялёная цыбуля, часнок, чорны перац. ПРЫГАТАВАННЕ Узбіць яйка, дадаць дробна пасечаную зеляніну, часнок, соду і муку. Дадаць цёплую ваду (каля 40 градусаў). Кляр павінен атрымацца па гушчыні, як смятана. Кветкі абмакваць у кляр і смажыць у вялікай колькасці алею да залацістай скарыначкі. Смачна есці!
Рэцэпты на Біс: свініна ў бруснічным соусе

Рэцэпты на Біс: свініна ў бруснічным соусе

Профессия, Рэцэпты на Біс
Увесь сакавік гатуюць нашы мужчыны! Рэцэпт ад рэжысёра Палаца культуры Алега Строка. ІНГРЭДЫЕНТЫ: свініна — 2 кг, часнок — 2 галоўкі, зерне гарчыцы — 80 г, таматная паста — 3-4 ст.лыжкі, соевы соус — 100 мл, брусніцы або бруснічнае варэнне — 100 мл. ПРЫГАТАВАННЕ Мяса прамыйце і абсушыце. Пачысціце часнок, кожны зубчык можна разрэзаць напалову. Мяса трэба нашпігаваць часнаком з усіх бакоў, нацерці таматнай пастай і замарынаваць на 2-3 гадзіны ў соевым соусе. Я гатую без солі, але вы можаце дадаць яе на свой смак. Мяса завярніце ў фольгу і адпраўце ў духоўку, разагрэтую да 200 градусаў, на 40-50 мінут. Пасыпаныя цукрам ягады брусніц ператрыце ў пюрэ. Змяшайце ягадную кашыцу і зерне гарчыцы. Дастаньце мяса з духоўкі, разгарніце фольгу і добра змажце атрыманым бруснічным соу
Рэцэпты на Біс: вафельныя трубачкі

Рэцэпты на Біс: вафельныя трубачкі

Профессия, Рэцэпты на Біс
Рэцэпт ад нападаючага ХК «Бастыён» Рамана Чыжэўскага. — Прызнацца, я не вельмі добры кулінар, але ёсць у мяне адзін «сакрэтны» рэцэпт. Яму навучыла мяне мама Ірына Іванаўна, калі мне было яшчэ гадоў 10. Дазвольце скарыстацца выпадкам і павіншаваць маму і ўсіх чытачак «раёнкі» са святам 8 Сакавіка. А вось і рэцэпт. ІНГРЭДЫЕНТЫ: маргарын — 180 г, яйка — 3 шт., мука — 1 шклянка, цукар — 1 шклянка, згушчанае малако — 1 баначка. ПРЫГАТАВАННЕ У глыбокую міску разбіць курыныя яйкі. Усыпаць цукар. Міксерам узбіць да атрымання аднароднай сумесі (густая пена нам не патрэбна, галоўнае, каб бялкі цалкам разышліся). Маргарын растапіць на вадзяной лазні або ў мікрахвалевай печы, даць яму астыць да пакаёвай тэмпературы. Дадаць у яечную сумесь і добра перамяшаць. Невялікімі порцыямі ўсыпа
Рэцэпты на Біс: торцік «Мінутка»

Рэцэпты на Біс: торцік «Мінутка»

Профессия, Рэцэпты на Біс
Рэцэпт ад медсястры фізіятэрапеўтычнага аддзялення Розы Раманюк. Торцік гатуецца на патэльні і падкупляе прастатой прыгатавання. Ды і смак павінен парадаваць нават прыдзірлівых аматараў салодкага. ІНГРЭДЫЕНТЫ: для каржоў: згушчанае малако — 1 слоік (380 г), яйка — 1 шт., мука — 450 г, сода (пагасіць) — 1 ч.л. (можна замяніць на 2 ч.л. разрыхляльніка); для заварнога крэму: малако — 750 мл, яйкі — 2 шт., мука — 30 г. (прыкладна 3 ст.лыжкі), ванілін — 15 г., сметанковае масла — 150 г. ПРЫГАТАВАННЕ Узбіць яйцо, дадаць згушчонку і  добра перамяшаць. Дадаць прасеяную муку, разрыхляльнік (або гашаную соду) і замясіць цеста. Цеста збіраецца «ў камяк» не адразу, але я не дадаю ніякія вадкасці, проста вымешваю даўжэй. Цеста раздзяліць
Рэцэпты на Біс: пірожнае «Праванс»

Рэцэпты на Біс: пірожнае «Праванс»

Профессия, Рэцэпты на Біс
Рэцэпт ад повара гасцінага двара «Праванс» Валерыі Бушко. ІНГРЭДЫЕНТЫ: кава, вяршкі 70% тлустасці, пячэнне «Саваярдзі», топінг, кандытарскія ўпрыгожванні. ПРЫГАТАВАННЕ Усім вядома пірожнае «Тырамісу», а мы спрасцілі яго рэцэпт. Гатуем кававы раствор (проста заварваем каву, чым мацнейшай яна будзе, тым ярчэйшы атрымаецца колер). У астуджаны раствор з двух бакоў абмакваем пячэнне «Саваярдзі» і хутка выкладаем на талерку. Узбіваем вяршкі (павінна атрымацца густая маса), загружаем іх у кандытарскі шпрыц і выціскаем на пячэнне. Паўтараем усё з другім пячэннем, хутка выкладаем яго наверх першага, выціскаем вяршкі. Страву можна паліць топінгам і ўпрыгожыць кандытарскай пасыпкай. Смачна есці!
Рэцэпты на Біс: шакаладна-бананавы маннік

Рэцэпты на Біс: шакаладна-бананавы маннік

Профессия, Рэцэпты на Біс
Рэцэпт ад кіраўніка аддзялення №83 ААТ «ААБ Беларусбанк» Ілоны БАРЫСАВАЙ. ІНГРЭДЫЕНТЫ: яйкі — 3 шт., манная крупа — 200 г, смятана — 200 г, цукар — 200 г, сода — 10 г (поўная чайная лыжка), банан — 2 шт., шакаладка — 1 шт. ПРЫГАТАВАННЕ Бананы і шакаладку нарэзаць на невялікія кавалкі, дадаць астатнія інгрэдыенты (соду гасіць не трэба), перамяшаць. Змясціць у форму і адправіць у духавую шафу, раза-грэтую да 180-200 градусаў. Смачна есці!
Рэцэпты на Біс: маркоўна-апельсінавыя сырнікі з шакаладам

Рэцэпты на Біс: маркоўна-апельсінавыя сырнікі з шакаладам

Рэцэпты на Біс
Рэцэпт ад кулінара-аматара, майстра па вырабе карысных дэсертаў Алёны Краўцовай. ІНГРЭДЫЕНТЫ на 6 штук: тварог — 200 г, яйка — 1 шт., морква — 1 шт., цэдра аднаго апельсіна, мука — 3 ст.л., цукар — 1 ст.л., горкі шакалад — 30 г. ПРЫГАТАВАННЕ Моркву нацерці на дробнай тарцы. Змяшаць з цэдрай апельсіна і тушыць 5 мінут на патэльні з любым алеем і дзвюма лыжкамі вады. Зрабіць цеста для сырнікаў з тварагу, яйка, цукру і мукі, дадаць у яго тушаную маркоўную сумесь. У кожны сырнік загарнуць кавалачак шакаладу і абсмажыць на алеі з двух бакоў. Смачна есці!
Рэцэпты на Біс: вельмі смачная шарлотка

Рэцэпты на Біс: вельмі смачная шарлотка

Профессия, Рэцэпты на Біс
Рэцэпт ад прадпрымальніцы Святланы Какорынай. ІНГРЭДЫЕНТЫ: для цеста: маргарын — 100 г, цукар — 1 шклянка, яйкі — 3 шт., мука — 1 шклянка, сода — 1 ч.л., соль; для начынкі: яблыкі кіслыя — 5 шт., вада, карыца, ванільны цукар. ПРЫГАТАВАННЕ Ачысціць і парэзаць яблыкі, пакласці ў каструлю і заліць паловай шклянкі вады. Давесці да кіпення, асцярожна памешваючы. Растапіць маргарын, паступова дадаць цукар, яйкі, соль, муку і добра перамяшаць. Дадаць соду, пагашаную воцатам. Форму для выпечкі змазаць алеем і пасыпаць манкай. Выкласці распараныя яблыкі. Пасыпаць карыцай і ванільным цукрам. Заліць зверху цестам. Выпякаць 30-35 мінут пры 180 градусах. Шарлотку можна ўпрыгожыць цёртым шакаладам і цукровай пудрай. Смачна есці!
Рэцэпты на Біс: ягадны пірог

Рэцэпты на Біс: ягадны пірог

Профессия, Рэцэпты на Біс
Рэцэпт ад дырэктара ДУА «Шарашоўская дзіцячая школа мастацтваў» Вольгі Краўчук. ІНГРЭДЫЕНТЫ: для цеста: маргарын — 200 г, яйкі — 2 шт., сода — 1 ч.л., смятана — 1 шклянка, мука — 2 ст.; начынка: любыя ягады ці фрукты (ад замарожаных да варэння); заліўка: цукар — 1 шклянка, смятана — 1 шклянка, яйка — 1 шт., мука — 3 ст.л. ПРЫГАТАВАННЕ Маргарын растапіць, соду пагасіць воцатам і перамяшаць усе інгрэдыенты для цеста. Выліць цеста на змазаную алеем бляху. Зверху выкласці ягады ці фрукты і заліць перамяшанай з цукрам, яйкам і мукой смятанай. Выпякаць пры сярэдняй тэмпературы да гатоўнасці. Смачна есці!
Рэцэпты на Біс: мясная салата

Рэцэпты на Біс: мясная салата

Профессия, Рэцэпты на Біс
Рэцэпт ад шматдзетнай маці Ларысы Алікевіч. ІНГРЭДЫЕНТЫ: ялавічына адварная — 500 г, перац балгарскі — 2 шт., цыбуля — 1 шт. (вялікая), пятрушка; для запраўкі: вада — 50 г, цукар — 3 ст.л., соль — 1,5 ч.л., воцат — 9 ст.л., перац молаты — 0,5 ч.л., алей — 5 ст.л. ПРЫГАТАВАННЕ Адварную ялавічыну нарэзаць саломкай. Такім жа чынам нарэзаць перцы і цыбулю. Дадаць зеляніну пятрушкі. Інгрэдыенты для запраўкі добра перамяшаць і паліць мяса з перцам. Даць страве настаяцца. Смачна есці!
Рэцэпты на Біс: ізумрудная салата

Рэцэпты на Біс: ізумрудная салата

Профессия, Рэцэпты на Біс
Рэцэпт ад загадчыцы Пружанскай цэнтральнай раённай аптэкі №7 Дар’і Ліцкевіч. ІНГРЭДЫЕНТЫ: яйка — 2 шт., сыр — 100 г, цыбуля — 1 шт., памідоры — 2 шт., ківі — 2 шт., курынае філе — 1 шт, маянэз, соль, перац на смак. ПРЫГАТАВАННЕ Цыбулю пачысціць, дробна парэзаць, заліць кіпенем. Курынае філе адварыць, астудзіць, дробна парэзаць і змяшаць з маянэзам. Філе — гэта першы пласт салаты. Другі пласт — цыбуля. Пасыпаць яе нацёртым на буйной тарцы сырам. На сыр выкласці парэзаныя кубікамі памідоры, пасаліць і паперчыць іх. Наступны пласт — адвараныя і парэзаныя яйкі, змазаць пласт маянэзам. Зверху салаты выкласці дробна нарэзаныя ківі. Даць настояцца ў хала-дзільніку некалькі гадзін. Смачна есці!
Рэцэпты на Біс: любімая салата

Рэцэпты на Біс: любімая салата

Профессия, Рэцэпты на Біс
Рэцэпт ад Валянціны ХМАРЫ. ІНГРЭДЫЕНТЫ: сырая морква — 2 шт., свежыя, адвараныя ці марынаваныя грыбы — 200 г, курыная грудка — 1 шт., яйкі — 2 шт., цыбуля — 1 шт., сыр — 100 г, кансерваваны ананас, маянэз. ПРЫГАТАВАННЕ Нарэзаць грыбы і цыбулю кубікамі і абсмажыць разам. Моркву нацерці на буйной тарцы і таксама абсмажыць. Курыцу адварыць і пасля нарэзаць кубікамі. Адвараныя яйкі таксама дробна пасекчы. Усе інгрэдыенты выкладваем пластамі: грыбы з цыбуляй, морква, курыца, яйкі. Кожны пласт прамазаць маянэзам. Зверху нацерці сыр на дробнай тарцы і выкласці ананас, нарэзаны кубікамі. Смачна есці!
Рэцэпты на Біс: рулет «Навагодні»

Рэцэпты на Біс: рулет «Навагодні»

Профессия, Рэцэпты на Біс
Рэцэпт ад Любові Хоміч, галоўнага бухгалтара Сухопальскага сельвыканкама. ІНГРЭДЫЕНТЫ для цеста: яйкі — 4 шт., цукар — 1 шклянка, мука — 1 шклянка, кефір — 5 ст.л., сода — 1/2 ч.л., алей для змазвання бляхі; для крэмУ: смятана (тлустасцю 25-30%) — 1 шклянка, кансерваваныя ананасы — 1 слоік, цукровая пудра — 1 ст.л. ПРЫГАТАВАННЕ Яйкі ўзбіць з цукрам. Кефір змяшаць з содай. Змяшаць абедзве сумесі і дадаць муку. Цеста выліць на змазаную алеем бляху. Выпякаць у духоўцы 15 мінут пры тэмпературы 180 градусаў. Смятану ўзбіць з цукровай пудрай і змазаць ёй гарачы корж. Выкласці зверху ананасы, скруціць у рулет і пакінуць у халадзільніку на 1 гадзіну. Смачна есці!
Рэцэпты на Біс: салата з фасоляю

Рэцэпты на Біс: салата з фасоляю

Профессия, Рэцэпты на Біс
Рэцэпт ад Святланы Карпыза, спецыяліста па закупках аддзела па адукацыі. ІНГРЭДЫЕНТЫ: фасоля чырвоная — 1 слоік (200-250 г), морква па-карэйску — 200 г, курынае філе — 1 шт., сыр цвёрды — 200 г, перац балгарскі — 1 шт., сухарыкі («Хрусцім») — 1 пачак, маянэз — 200 г. ПРЫГАТАВАННЕ Адварыць курынае філе да гатоўнасці і астудзіць. На вялікую талерку кучкамі выкласці моркву, сухарыкі і фасолю. Саломкай нарэзаць перац, філе, сыр і таксама выкласці на талерку. У цэнтр дабавіць маянэз. Можна ўпрыгожыць зелянінай. Салата перамешваецца ўжо на стале. Смачна есці!