Суббота, 20 января 2018

Родители и дети: кто кому должен платить?

921

З падобнымі пытаннямі з нагоды матэрыяльнай падтрымкі былых членаў сям’і ў юрыдычную кансультацыю часта  звяртаюцца людзі. Адказы на самыя распаўсюджаныя з іх дае адвакат Надзея Міхайлаўна Станкевіч. родители

— Ці магчыма  спагнаць  аліменты  на  ўтрыманне  дзіцяці  з  яго  біялагічнага  бацькі, калі  ён  не  запісаны ў пасведчанні аб нараджэнні дзіцяці?

— Можна, але  толькі  пасля  ўстанаўлення  бацькоўства. Пры  гэтым  аліменты  будуць  спагнаны  з  моманту  падачы   ў  суд   заявы  аб устанаўленні   бацькоўства  і  спагнанні  аліментаў.

— Да бацькі прад’яўлены іск аб устанаўленні бацькоўства. Ці можа ён адмовіцца ад правядзення экспертызы, якая гэта пацвярджае?

— Можна, але ў такім выпадку заяўлены іск будзе задаволены.

— Раней маці не спаганяла з бацькі аліменты  на  ўтрыманне  дзіцяці.  Ці магчыма іх спагнаць  за  мінулы   час?

— Як правіла, не. Але  ёсць  выключэнні, устаноўленыя арт. 109 Кодекса  Рэспублікі Беларусь аб  шлюбе  і  сям’і,  і  толькі  за  перыяд  не большы, чым  тры  папярэднія  гады.

— Мужчына аспрэчыў  сваё  бацькоўства. Ці можа ён  спагнаць  выплачаныя  раней  аліменты?

— Выплачаныя  сумы  аліментных  плацяжоў  не  могуць  быць  выпатрабаваны  зваротна, за  выключэннем  рэдкіх выпадкаў, устаноўленых  законам.

— Ці можа жанчына, якая знаходзіцца ў адпачынку па догляду дзіцяці да 3-х гадоў, спагнаць   з  мужа  сродкі  на  сваё  ўтрыманне?

— Так, калі  муж  валодае  неабходнымі    для  гэтага   сродкамі.

— Ці магчыма  выплачваць  аліменты  ў  добраахвотным  парадку?

— Магчыма, як  шляхам  пералічэнняў  з  указаннем  прызначэння  плацяжу, так і  шляхам  утрымання  з  заработнай  платы, пенсіі, стыпендыі.

— Ці можна  быць  вызваленым  ад  выплаты  аліментаў?

— Толькі  па  рашэнні  суда,  і  толькі  пры  наяўнасці ўважлівых прычын.

— Былы  муж   звыш  трох  гадоў  знаходзіцца  ў  вышуку ў  сувязі  з  нявыплатай  аліментаў. Ці будзе  ён  іх выплачваць за  гэты  перыяд?

— Так, тэрмін   даўнасці  ў  сувязі  з  яго  вышукам   не  прымяняецца. Раю  паспрабаваць   прызнаць  яго без вестак  адсутным,  на  падставе чаго можна атрымаць  на  дзіця пенсію  па  страце  кармільца.

— Ці магчыма   запатрабаваць  ад  былой  жонкі  справаздачу аб тым, куды пайшлі  атрыманыя  ёю  на  ўтрыманне  сына   аліменты?

— Не. Суды,  як  правіла,  адмаўляюць  у  задавальненні  такіх іскаў.

— Ці прадугледжана  адказнасць  за  нясвоечасовую  выплату  аліментаў?

— Так, паводле   артыкулаў  1111 Кодекса  Рэспублікі Беларусь  аб  шлюбе  і  сям’і, у тым ліку   і  ў  выглядзе  няўстойкі,  спагнання  страт.

— Ці можна  ў  судзе  адмовіцца  ад  спагнання  аліментаў  на  ўтрыманне  дзіцяці?

— Не, суд  такую  адмову  не  прыме.

— Сын   з’яўляецца  студэнтам   платнай  дзённай  формы  навучання, дасягнуў свайго паўналецця. Ці магчыма жонцы спагнаць  з былога   мужа  дадатковыя  выдаткі   за яго   навучанне?

— Судовая  практыка  не  адносіць  факт  платнага навучання    як  падставу  прыцягнення   да  ўдзелу  бацькі  ў  дадатковых  выдатках.

— Мужчына прызнаны  інвалідам  другой  групы. Ці можа  быць  зменены  памер  аліментаў, спаганяемых з яго  па  рашэнні суда?

— Па  рашэнні  суда  аліменты могуць  быць  паменшаны  ці, пры  наяўнасці  выключных абставін, такі чалавек наогул можа  быць  вызвалены  ад  іх  выплаты.

— Інвалід  другой  групы  нядаўна   дасягнуў  паўналецця.  Ці можа ён  спагнаць  з  бацькоў  аліменты?

— Можа,  калі  суд прызнае  яго маючым патрэбу ў дапамозе. Памер  аліментаў  будзе  вызначацца  з  улікам  яго і  бацькоў  матэрыяльнага  і  сямейнага  становішча.

— Ці можа пенсіянер спагнаць   аліменты  на  сваё  ўтрыманне з паўналетніх  дзяцей?

— Так, калі ён  будзе  прызнаны  маючым патрэбу ў дапамозе, паколькі  ўтрыманне непрацаздольных бацькоў  з’яўляецца  абавязкам  іх  паўналетніх працаздольных  дзяцей.

— Былы  муж  ухіляецца  ад  абавязкаў  па  ўтрыманні  дзяцей. Ці абавязаны  будуць  яны ў будучым утрымліваць бацьку ў выпадку яго непрацаздольнасці?

— У  такім выпадку  дзеці  могуць  быць  вызвалены  ад  гэтага   абавязку.

Падрыхтавала Галіна КАЛЯДА.

Добавить комментарий

Ваш e-mail не будет опубликован. Обязательные поля помечены *