Вторник, 29 сентября 2020

В райисполкоме: по результатам первого полугодия в экономике района есть как положительные, так и отрицательные моменты

1 433

На чарговым пасяджэнні райвыканкама, якое вёў  старшыня М.М.Серкоў, разгледжаны вынікі выканання прагнозу сацыяльна-эканамічнага развіцця  і  бюджэту раёна за першую палавіну сёлетняга года.

У ходзе аналізу сітуацыі ў эканоміцы  раёна былі адзначаны як пазітыўныя моманты, так і негатыўныя з’явы, якія  перашкаджаюць выйсці на запланаваныя паказчыкі. У прыватнасці,  падкрэслена, што з чатырох мэтавых паказчыкаў прагнозу сацыяльна-эканамічнага развіцця раёна на гэты год пакуль выконваюцца толькі два: намінальная сярэднямесячная заработная плата за пяць месяцаў склала 4575,8 тыс. рублёў пры плане 4368,2 тыс., а тэмп росту экспарту тавараў без уліку арганізацый, падначаленых рэспубліканскіам органам кіравання, — 134,5 працэнта (пры плане на паўгоддзе 110,9%). А вось тэмп росту экспарту паслуг і паступленне прамых замежных інвестыцый на чыстай аснове   не дацягваюць да вызначанага ўзроўню.

Добрымі паказчыкамі радуюць працаўнікі сельскай гаспадаркі – валавы рост прадукцыі за паўгоддзе склаў 109,6 працэнта. Атрымана 88,3 тысячы тон малака (амаль на 4 тыс. тон больш, чым планавалася на паўгоддзе), рэалізавана жывёлы і птушкі  на забой у жывой вазе –10,15 тыс. тон (пры плане на год 19,5 тыс. тон).

На жаль, іншыя галіны эканомікі раёна працуюць  не так паспяхова. Напрыклад, індэкс фізічнага аб’ёму прамысловай вытворчасці , хоць і не на многа, але ўсё ж меншы за запланаваны паказчык, тэмп росту падрадных работ склаў 63,4 працэнта (пры заданні на паўгоддзе  79%), не задавальняюць тэмпы росту інвестыцый. У выніку, як сведчыць статыстыка, за пяць месяцаў года чыстую страту атрымалі 8 арганізацый – іх колькасць у параўнанні з мінулым годам  павялічылася на дзве адзінкі. Праўда, як запэўніла райвыканкам большасць кіраўнікоў гэтых арганізацый, па выніках паўгоддзя  адмоўная сітуацыя будзе выпраўлена.

Даходы бюджэту Пружанскага раёна за першае паўгоддзе выкананы ў суме 186 млрд 842,5 млн рублёў, у тым ліку ўласныя даходы –117 млрд 501,9 млн рублёў, што складае 50,9 працэнта да ўдакладненага гадавога плана. У параўнанні з адпаведным перыядам мінулага года ўласныя даходы ўзраслі амаль на чвэрць. Асноўная частка даходаў бюджэту раёна сфарміравана за кошт паступленняў падаходнага падатку  — 36,2 працэнта (тэмп росту да першага паўгоддзя 2013г. 126,1%),  падатку на дабаўленую вартасць – 24,5 працэнта (124,7%),  падатку на прыбытак — 9,9 працэнта (154,7%), іншых падаткаў і збораў ад выручкі – 9,6 працэнта (113%), падатку на нерухомасць – 8,7 працэнта (122,4%),  зямельнага падатку – 1,5 працэнта (90%).

За першае паўгоддзе ў раёне ажыццёўлены шэраг мер па дадатковым паступленні бюджэтных даходаў на агульную суму каля 10 мільярдаў рублёў, у тым ліку ад павелічэння ставак зямельнага падатку і падатку на нерухомасць (больш 5 млрд руб.),  ад прыватызацыі жылых памяшканняў (больш 2 млрд руб.), а таксама ад продажу аб’ёктаў нерухомасці, зямельных участкаў, арэнды, у выглядзе працэнтаў за карыстанне грашовымі сродкамі раённага бюджэту.

Расходы бюджэту раёна за паўгоддзе прафінансаваны ў суме 195 млрд  520,1 млн рублёў і павялічыліся ў параўнанні з адпаведным перыядам мінулага года на амаль  26,7 млрд рублёў.

У прынятым райвыканкамам рашэнні аб выніках выканання бюджэту адзначаецца неабходнасць больш рацыянальнага выкарыстання  бюджэтных сродкаў, пошуку рэзерваў іх эканоміі арганізацыямі, якія атрымліваюць субсідыі.

 

Добавить комментарий

Ваш адрес email не будет опубликован. Обязательные поля помечены *