Четверг, 1 октября 2020

Начальник ГАИ В.В. Осипенко ответил на вопросы читателей «Раённых будняў»

2 863

«Аўтабудні» сабралі шэраг пытанняў да начальніка раённага аддзялення ДАІ В.В.Асіпенкі.

— Мікалай Пятровіч, г.Пружаны. Ці можна арганізаваць стаянку ля харчовага магазіна па вул.Кобрынскай (раён КБМ)?

—Пытанне разгледжана на камісіі па бяспецы дарожнага руху: вырашана сумесна са старшынёй райспажыўтаварыства Д.П.Карпеем разгледзець мэтазгоднасць такой аўтастаянкі і да першага ліпеня сабраць неабходныя абгрунтаванні і разлікі.

— Жанна Мікалаеўна, г.Пружаны. Якая адказнасць за кіраванне транспартным сродкам асобай у стане ап’янення, ці былі выпадкі канфіскацыі транспартных сродкаў у п’яных вадзіцеляў?

— Паводле ч.1 арт.18.16 КААП РБ, кіраванне транспартным сродкам асобай у стане ап’янення, перадача кіравання грамадзяніну ў такім жа стане, а таксама адмова ад праходжання агляду ва ўстаноўленым парадку на прадмет вызначэння стану ап’янення караецца штрафам ад 50 да 100 базавых велічынь (да 15 мільёнаў рублёў) з пазбаўленнем права кіравання транспартным сродкам на тры гады.

Згодна з арт.317-1 Крымінальнага кодэкса, можа быць узбуджана крымінальная справа за паўторнае кіраванне ў нецвярозым стане. Пры гэтым незалежна ад формы ўласнасці падлягае канфіскацыі транспартны сродак, якім кіравала асоба, што ўчыніла злачынства.

На тэрыторыі Пружанскага раёна з моманту ўступлення ў сілу змен у крымінальнае і адміністрацыйнае заканадаўства (з 24 кастрычніка 2013 года) канфіскаваны дзевяць адзінак тэхнікі, з якіх у даход дзяржавы накіраваны сем, у тым ліку два трактары, належачых сельскагаспадарчым акцыянерным таварыствам.

— Ніна Антонаўна, г.Пружаны. На скрыжаванні вул.Кастрычніцкая і Жукава часта фіксуюцца дарожна-транспартныя здарэнні. Ці можна ўстанавіць штучныя няроўнасці і знак, які абавязвае спыніцца на скрыжаванні з боку Якавіч?

— Ваша прапанова разгледжана на камісіі па бяспецы дарожнага руху пры райвыканкаме, на якой прынята рашэнне: ДРБУ-140 да 01.07.2014 года абсталяваць скрыжаванне штучнай няроўнасцю, устанавіць знак 2.5 «STOP» (рух без прыпынку забаронены) і нанесці дарожную разметку 1.12 (стоп-лінія).

— Ігар Міхайлавіч, в.Новыя Засімавічы. Хачу памяняць пасведчанне вадзіцеля на форму новага ўзору. У якое аддзяленне ДАІ мне трэба звяртацца? Якія неабходна падаць дакументы?

— Абмен і выдача новых пасведчанняў, замена страчаных ажыццяўляюцца экзаменацыйнымі падраз-дзяленнямі незалежна ад месца рэгістрацыі грамадзян на падставе іх заяў.

Калі Вы пражываеце ў в.Н.Засімавічы, то можаце звярнуцца ў МРЭА ДАІ г.Бяроза і атрымаць пасведчанне вадзіцеля.

Для замены пасведчання вадзіцеля і талона да яго неабходна падаць:

— асабісты пашпарт,

— дзеючую медыцынскую даведку аб допуску да кіравання транспартнымі сродкамі,

— старае пасведчанне з тало-нам да яго,

— дзве квітанцыі аб аплаце (за замену пасведчання — 260 тысяч рублёў і за паслугі ДАІ — 15600 рублёў).

— Міхаіл Паўлавіч, г.п.Ружаны. Нядаўна ездзіў у г.Гродна і атрымаў штраф за тое, што перавозіў на заднім сядзенні легкавога аўтамабіля пасажыраў, не прышпіленых рамянямі бяспекі. Ці правільна гэта?

— Паводле п.9.5 Правілаў дарожнага руху, вадзіцель абавязаны быць прышпіленым і не перавозіць пасажыраў з не прышпіленымі рамянямі бяспекі пры руху ў механічным транспартным сродку, абсталяваным рамянямі бяспекі.

Можна і не выконваць гэта, калі Вы:

— вучыцеся кіраванню механічным транспартным сродкам і побач з вамі настаўнік;

— пасажыр транспартнага сродка аператыўнага прызначэння або вадзіцель аўтамабіля-таксі — пры руху ў населеным пункце;

— пасажыр або вадзіцель з медыцынскімі супрацьпаказаннямі, пералік якіх вызначаны Міністэрствам аховы здароўя (у гэтым выпадку абавязкова пры сабе павінна быць медыцынская даведка з указаннем абмежавання).

Такім чынам, калі Вы і Вашы пасажыры не адносіцеся да вышэйназваных катэгорый удзельнікаў дарожнага руху, то Вас прыцягнулі да адміністрацыйнай адказнасці правамерна.

— Віталь, в.Дабучын. Растлумачце, калі ласка, як правільна здзяйсняць буксіроўку транспартных сродкаў?

— Гэтыя патрабаванні падрабязна пералічаны ў гл.25 Правілаў дарожнага руху. Раю Вам зноў перачытаць іх. Зазначу толькі, што асабліва шмат парушэнняў рэгіструецца пры транспарціроўцы прычэпаў.

Запісаў Алег Сідарэнка.

3 комментариев

  • Виталий

    хачу запытаць у паважанага спадара Асипенки — кали па вулицы кобрынскай на выездзе з горада (там дзе насупраць пешаходны пераход) паставяць знак астаноука запрэщэна? Алени ставящые там аутамабили проста нерэальна саздаюць аварыйную абстаноуку.

    Рейтинг комментария:Vote +10Vote -10

  • Виталий

    забыу дабавиць — насупраць прадуктовага магазина.

    Рейтинг комментария:Vote +10Vote -10

  • Мыкола

    мусіць прыпынак забаронены троху больш па беларуску….
    а абставіна там сапраўды неспрыяльная, часценька мусіў на аўтобусны прыпынак вырульваці, каб пазбегнуць ДТЗ

    Рейтинг комментария:Vote +10Vote -10

Добавить комментарий

Ваш адрес email не будет опубликован. Обязательные поля помечены *