Пятница, 21 сентября 2018

Вышка цифрового телевидения в Куплино заработает этим лето

2 192

На пачатку ліпеня наступнага года ў Пружанах адключаць аналагавае тэлевяшчанне, як абяцае РУП «Беларускі радыётрансляцыйны перадаючы цэнтр». Сёння жыхары раёна яшчэ могуць на звычайную антэну глядзець шэсць праграм: АНТ, Беларусь-1 і 2, РТР-Беларусь, СТБ і НТБ-Беларусь. У лічбавым  дзяржаўным тэлевяшчанні прысутнічаюць яшчэ дзве тэлепраграмы: Мір і Беларусь-3.

Як расказвае дырэктар абласнога вузла радыёвяшчання і тэлебачання «Ракітніца» В.В.Караблёў, дзеючая ў Пружанах тэлевізійная перадаючая станцыя  перадае лічбавы сігнал, але ў невялікім радыусе: ён прымаецца на адлегласці да 10 кіламетраў ад райцэнтра. Каб павялічыць зону ахопу лічбавым тэлебачаннем, у Куп-ліне, непадалёк ад горада, будуецца тэлевежа. На гэтыя мэты выдаткавана звыш двух мільярдаў рублёў.

— Вышыня збудавання будзе  больш 125 метраў, і сёння мы ўжо знаходзімся на рысы ў 92 метры,— расказвае Віктар Веніямінавіч.— Відавочна, засталося нямнога часу да запуску ў эксплуатацыю: мяркуем, што гэта адбудзецца да пачатку бягучага лета.

Паводле папярэдніх падлікаў, самае высокае збудаванне ў раёне забяспечыць устойлівы прыём лічбавага сігналу практычна на ўсёй тэрыторыі Пружаншчыны. Зыходзячы з гэтага і была выбрана пляцоўка, дзе знаходзіцца самая высокая кропка раёна. Будаўнічыя работы пачаліся яшчэ ў мінулым годзе: узведзена памяшканне, у якім будзе размешчана абсталяванне. Асабліва складанае будаўніцтва вежы. Гэта над зямлёй яна звыш 125 метраў вышыні, а пад зямлёй яшчэ каля 15 метраў падмурка.

— Таксама вакол установім агароджу са спецыяльнымі датчыкамі сігналізацыі,— расказвае дырэктар БАВРТ «Ракітніца».— У рэжыме «он-лайн» дыспетчар будзе адсочваць работу абсталявання і ахову тэрыторыі. Любое пранікненне адразу стане вядома на цэнтральным пульце. Гэта ў выпадку, калі вандалы пажадаюць пажывіцца тут.

Работы вядуць спецыялісты ТАА «Мачта», якія ўзводзяць некалькі падобных   аб’ектаў на тэрыторыі рэспублікі, а таксама ТАА «Талант» «Белрамбудсувязь» і наша ПМК-21. Таму ніякіх затрымак па графіку няма, не ўнёс карэктывы ў іх работу і моцны вецер цыклона «Хаўер».

Таксама мы запрасілі В.В.Караблёва расказаць больш падрабязна, якім чынам будзе ажыццяўляцца прыём лічбавага сігналу.

У бясплатным рэжыме транслююцца восем праграм лічбавага тэлебачання. Паводле сацыялагічнага апытання, ім будуць карыстацца звыш 60% насельніцтва краіны. Справа ў тым, што ў гарадах дзейнічаюць кабельныя аператары, якія вырашаюць праблему якасці «карцінкі» тэлевізараў. А вось жыхары сельскай мясцовасці засталіся сам-насам з праблемай. У выніку часцяком аналагавы сігнал прымаецца са «снегам», падвоенным адлюстраваннем і гукам. З пераводам на лічбавае вяшчанне гэтыя праблемы амаль зусім знікнуць.

У гарадах пытанне новага падыходу да трансляцыі каналаў стануць вырашаць самі кабельныя аператары, і гараджане, у большасці сваёй, практычна нічога не заўважаць.

Магчымы некаторыя праблемы ў прыватным сектары, дзе прыём сігналу ажыццяўляецца праз уласныя тэлеантэны: ёсць сумненні наконт праходжання сігналу праз жалезабетонныя канструкцыі шматпавярховак. Аднак магутнасць лічбавага тэлебачання ў любым выпадку павінна пераадольваць перашкоды без страты якасці «карцінкі».

Вясковым гледачам патрэбна мець:

антэну, якая працуе ў дэцыметровым дыяпазоне. Выдатна падыдзе антэна «хвалісты канал»;

тэлевізар са спецыяльным цюнерам. Гэта самае балючае месца, бо большасць людзей маюць тэлевізары старэй пяці гадоў. Вялікі працэнт верагоднасці, што ў такіх мадэлях няма ўбудаванага спецыяльнага цюнера.

Дарэчы, не ўсе імпартныя апараты, дзе прапісана наяўнасць такой прыстаўкі, могуць прымаць сігнал нацыянальнага лічбавага тэлебачання, які транслюецца ў рэжыме кадзіроўкі MPEG-4. Паводле патрабаванняў урада, з пачатку бягучага года ў рэспубліку могуць завозіцца толькі тыя тэлевізары, якія маюць адпаведны цюнер. Такім чынам, калі мяркуеце набываць тэлевізар, то абавязкова пацікаўцеся датай яго прывозу ў нашу краіну: тады ён будзе адпавядаць стандарту DVB-Т і мець ка-дзіроўку MPEG-4. Тое ж тычыцца і айчыннай прадукцыі: як запэўнілі прадстаўнікі беларускіх вытворцаў тэлевізійнай апаратуры, з бягучага года ўсе «Гарызонты» і «Віцязі» адпавядаюць названым параметрам. Больш старэйшыя мадэлі ўзгадняйце з прадаўцамі.

Калі ж не мяркуеце мяняць тэлевізар, то да яго абавязкова трэба набыць цюнер — спецыяльную прыстаўку невялікіх памераў. Яна каштуе ў сярэднім ад 300 тысяч рублёў і мае вельмі просты прынцып падключэння: штэкер антэны ўстаўляецца ў цюнер і спецыяльны провад — з цюнера ў прыёмнае гняздо тэлевізара. Ніякіх спецыяльных настроек прыстаўка не патрабуе, настройваць праграмы трэба на тэлевізары. Калі ўсё ж пытанні ўзнікнуць, то можна задаць іх дыспетчарам бясплатнай даведачна-інфармацыйнай службы па кароткім нумары 172.

Праблем з набыццём такой прыстаўкі, якая выпускаецца таксама айчыннымі вытворцамі, не павінна быць, бо яны даўно прадаюцца ў дзяржаўным і прыватным гандлі. Акрамя таго, антэну і прыстаўку для лічбавага тэлебачання можна ўжо сёння заказаць у любым аддзяленні паштовай сувязі.

Такі цюнер па габарытах крыху большы за мабільнік і не зойме шмат месца. Асабліва зручна будзе для дачнікаў: дастаткова ўзяць у кішэню прыстаўку і паехаць за горад, дзе падключыць яго да тэлевізара і глядзець без абмежаванняў. А потым адключыць прыстаўку і забраць з сабой. Адзінае абмежаванне: адна прыстаўка — адзін тэлевізар (можна падключыць і некалькі апаратаў, але гля-дзець адзін і той жа канал).

— Зусім неабавязкова чакаць дня «ікс», калі не будзе альтэрнатывы і тэлеглядач застанецца адзін на адзін з шыпячым тэлепрыёмнікам,— зазначае В.В.Караблёў.— Лепш пружанцам ужо летам набываць прыстаўкі, каб потым не ствараць ажыятаж і спакойна вырашыць усе тэхнічныя пытанні.

Дарэчы, магчымасці лічбавага тэлебачання значна большыя, чым у аналагавага. Справа ў тым, што зараз прапрацоўваецца пытанне аб запуску ў эксплуатацыю другога пакета, у які ўвойдуць яшчэ каля двух дзясяткаў праграм. Безумоўна, гэты праект мае камерцыйны характар, але з невялікай абаненцкай платай. Такім чынам, вёска таксама атрымае большы выбар для прагляду. Мяркуецца, што гэта стане магчымым напрыканцы бягучага года.

Падрыхтаваў Алег СІДАРЭНКА.

На здымку: на месцы ўзвядзення вежы рабочую нараду ладзяць дырэктар БАВРТ «Ракітніца» В.В.Караблёў, начальнік Брэсцкага цэха УКВ-радыёстанцый В.Р.Алексін і антэншчык-мачтавік В.Я.Якавук.

Фота Аляксандра Мелеша.

3 комментариев

  • Покупатель

    Что-то статей с сегодняшнего номера на сайте не появилсь. Особенно интересно была бы статья Ирины Седовой «Капліца ў Доўгім:зааралі і забылі…» с размещением цветных фотографий на сайте

    Рейтинг комментария:Vote +10Vote -10

  • Алекс

    Это ТВ нам обещают уже 2-3 года. Самое главное что там ничего интересного не будет, эта вышка никому почти не нужна………там будет несколько официальных каналов, которые сейчас показывает ZALA. Толкать пропаганду про «волшебную Беларусь?…….Как говаривают старые бабули «Мы хотим жить в Беларуси, которую показывают по ТВ»

    Рейтинг комментария:Vote +10Vote -10

Добавить комментарий

Ваш e-mail не будет опубликован. Обязательные поля помечены *