Вторник, 23 января 2018

Што і як будзем мадэрнізаваць?

1 385

На гэтым тыдні два дні на Пружаншчыне працаваў памочнік Прэзідэнта Рэспублікі Беларусь П.П.Пракаповіч. Пётр Пятровіч, які курыруе пытанні мадэрнізацыі рэальнага сектара беларускай эканомікі, наведаў шэраг сельскагаспадарчых прадпрыемстваў, каб азнаёміцца з планамі кіраўніцтва гаспадарак наконт правядзення эканамічнай і тэхнічнай мадэрнізацыі вытворчасці. Атрыманымі ўражаннямі ён падзяліўся падчас выязнога пасяджэння аблвыканкама па пытанні «Аб мадэрнізацыі прадпрыемстваў і арганізацый вобласці», якое прайшло ў мінулую сераду ў Пружанскім райвыканкаме.

Як зазначыў памочнік Прэзідэнта, убачаным ён застаўся незадаволены і патрабаваў зрабіць сур’ёзныя крокі  па выкараненні недахопаў.

— Улічваючы тое, што старшыня Пружанскага райвыканкама М.М.Серкоў на пасадзе крыху больш за месяц і ўжо ёсць пэўныя зрухі, варта спадзявацца, што за вызначаны тэрмін раён справіцца з выяўленымі пралікамі,— зазначыў П.П.Пракаповіч.

Пра тое, што пытанню мадэрнізацыі эканомікі краіны ўдзяляецца вялікая ўвага, сведчыў спіс запрошаных на пасяджэнне, якое вёў старшыня аблвыканкама К.А.Сумар. Удзел у абмеркаваннях прынялі кіраўнікі ўсіх раёнаў Брэстчыны, дэпутат Палаты прадстаўнікоў Нацыянальнага сходу РБ А.І.Юркевіч, прадстаўнікі ўпраўленняў і камітэтаў аблвыканкама, кіраўнікі банкаў, якія дзейнічаюць у Брэсцкай вобласці.

Нагадаем, што па патрабаванні кіраўніка дзяржавы ўсе арганізацыі, якія займаюцца вытворчасцю, гандлем або аказваюць паслугі, павінны на пачатак года мець планы ўдасканалення эканамічнага стану прадпрыемства, укаранення новых тэхналогій і інавацый. Распрацаваныя адпаведныя бізнэс-планы павінны быць узгаднены з банкамі, якія стануць крэдытаваць рэалізацыю запланаваных мерапрыемстваў.

— Зыходзячы з гэтага, адразу вызначу тэматыку сённяшняй сустрэчы,— падкрэсліў Канстанцін Андрэевіч.— Мы сабраліся не гаварыць аб плануемых намерах, а трымаць справаздачу аб сваіх першых дзеяннях у гэтым накірунку.

Задачы пастаўлены даволі сур’ёзныя. За тры гады — да канца 2015 года — на Брэстчыне павінна больш чым удвая вырасці прадукцыйнасць працы. Такая ж дынаміка запланавана і для выручкі, а значыць, і для аплаты працы работнікаў. Гэтыя лічбы рэальныя, калі выканаць запланаваную мадэрнізацыю і ствараць новую канкурэнтаздольную прадукцыю, якая будзе запатрабавана на экспартных рынках. На вызначаныя мерапрыемствы запланавана выдаткаваць звыш паўтара мільярда долараў ЗША. Побач з гэтым будзе ўдзяляцца ўвага і аб’ектам сацыяльнага прызначэння, бо ўсе намеры наўрад ці здзейсняцца без разважлівай кадравай палітыкі, калі людзям будуць гарантаваны не толькі высокія заробкі, але і жыллё, выкананне сацыяльных нарматываў. У якасці прыкладаў былі разгледжаны дзеянні некаторых раёнаў вобласці. І трэба адзначыць, што пакуль кіраўнікі не ўсюды дакладна ўяўляюць свае дзеянні. Старшыня аблвыканкама папярэдзіў, што ў далейшым, калі пытанне будзе разглядацца штомесяц, падыходы будуць больш строгія.

Таксама была ўдзелена ўвага і развіццю лясной і жыллёва-камунальнай гаспадаркі, будаўнічай галіны. Кіраўнікі гэтых ведамстваў трымалі справаздачу, а таксама выказалі свае прапановы наконт рэалізацыі мерапрыемстваў. Напрыклад, лясной гаспадарцы патрэбна больш тэхнікі, але гэтыя патрэбы пакуль не ў стане задаволіць айчынныя машынабудаўнікі. Генеральны дырэктар абласной ЖКГ спыніўся на праблеме субсідзіравання. Справа ў тым, што камунальнікі запланавалі шэраг мер па скарачэнні выдаткаў і некаторыя ўжо ажыццявілі. Але эканомія прывяла да таго, што яны сталі атрымліваць менш дзяржаўных грошай на далейшае развіццё. Такія «нажніцы» могуць прывесці да непрадказальнай сітуацыі.

Больш канкрэтыкі ў далейшых планах прагучала ў выступленні старшыні Пружанскага райвыканкама М.М.Серкова.

Міхаіл Мікалаевіч падрабязна спыніўся на мадэрнізацыі аграпрамысловага комплексу, называючы запланаваныя сёлетнія мерапрыемствы па асобных гаспадарках. Напрыклад, бягучы год стане лёсавызначальным для ААТ «Роўбіцкае»: калі на рэспубліканскім узроўні будзе станоўча вырашана пытанне аб пралангацыі даўгоў гаспадаркі на пяць гадоў, то таварыства можа быць далучана да ААТ «Жураўлінае». Дарэчы, у гэтай гаспадарцы будуць скарэкціраваны планы па ўзвядзенні ўласнага рэпрадуктара для свінагадоўлі. Усяго ж рэканструкцыя рознай ступені пройдзе на 55 раённых прадпрыемствах розных форм уласнасці, на што будзе выдаткавана звыш двух трыльёнаў рублёў, 90% з якіх пойдуць на сельскую гаспадарку.

Акрамя тэхнічнага пераўзбраення, будзе ўдасканалена сістэма кіравання, зменяцца падыходы ў забеспячэнні выканаўчай дысцыпліны, праведзена аптымізацыя выдаткаў і штатаў персаналу. Найбольш увагі, на думку старшыні райвыканкама, патрабуе камбінат будаўнічых матэрыялаў, паляпшэнне эканамічнай раўнавагі якога будуць дабівацца шляхам развіцця і ўдасканалення існуючай вытворчасці.

Алег Сідарэнка, Аляксандр Мелеш (фота).

4 комментариев

  • Дубан

    Кіраўнікі нашы ўжо зусім састарэлыя. Будаўнік-герой Пракаповіч. Рынкавы сацыалізм будуем. А вось ці пабудуем?

    Рейтинг комментария:Vote +10Vote -10

  • Капец жэстачайшэ наклонил

    пенсия — и до свидания! так надо в всем! хочешь работать? иди сторожем, гардеробщиком и т.д.

    Рейтинг комментария:Vote +10Vote -10

  • chytach

    Уважаемая редакция газеты «Раённыя будні»!

    15 января ваш корреспондент будет иметь возможность задать вопрос на пресс-конференции А.Г.Лукашенко.

    Прошу воспользоваться вас этой возможностью и задать злободневные вопросы:
    1. Наш район является граничащим с Республикой Польшей. В этой связи хотелось бы узнать, будет ли реализовано соглашение о малом приграничном движении между Польшей и Беларусью, которое активизировало бы экономическое сотрудничество между белорусскими и польскими регионами, оживило контакты местных властей, сделало бы более тесными семейные связи граждан обоих государств, благоприятно бы сказалось на увеличении доходов приграничных регионов, наполняемости доходной части местных бюджетов, развитии туризма, модернизации и использовании белорусской инфраструктуры?
    2. Работники Ружанской мебельной фабрики обратились в нашу газету с жалобой о низкой заработной плате, несвоевременной её выплате и переполнившем их терпении прецеденте, когда размер выплаченного им аванса составил 20 000 белорусских рублей. Скажите, в связи с принятой программой модернизации деревообрабатывающей отрасли, можно ли ждать каких-то положительных изменений на Ружанской мебельной фабрике, которая уже который год тянет наш район вниз?

    Рейтинг комментария:Vote +10Vote -10

  • Алекс

    Чытач……….вроде взрослый, а в сказки верите…….Лукашенко нужны ваши проблемы? А про зарплаты……….кто вам не дает? Зарабатывайте . И президент это же скажет.

    Рейтинг комментария:Vote +10Vote -10

Добавить комментарий

Ваш e-mail не будет опубликован. Обязательные поля помечены *