Понедельник, 23 мая 2022

Рэцэпты на Біс: рулет «Кордан блю»

218

Рэцэпт ад настаўніцы пачатковых класаў Ружанскай СШ Зінаіды Акінчыц.

ІНГРЭДЫЕНТЫ:
курыная грудка – 1 шт.,
вяндліна — 4 лустачкі,
сыр «Маздам» — 4 лустачкі,
часнок — 2 буйных зубчыка,
пятрушка — 2 ст. лыжкі (дробна парэзанай),
папрыка, перац — па 0,5 ч. лыжкі,
белае віно — 0,5 шклянкі,
вяршкі 20 % — 0,5 шклянкі,
соль — па гусце,
алей — 4 ст. лыжкі.

ПРЫГАТАВАННЕ

Грудку разрэзаць уздоўж на чатыры часткі, кожную адбіць малатком, пасаліць, папярчыць. На адбіўную пакласці лустачку вяндліны, на вяндліну — лустачку сыра. Скруціць у рулецік і абвязаць вяроўкай або замацаваць зубачысткай.

На патэльні разагрэць алей і на сярэднім агні абсмажыць рулецікі да залацістага колеру.

Дадаць здробнены часнок і гатаваць яшчэ з паўмінуты. Уліць віно і трымаць на агні прыкладна 2 мінуты.

Дадаць пятрушку, папрыку, соль, чорны молаты перац і вяршкі. Накрыць накрыўкай і трымаць на самым маленькім агні каля 10-15 мінут, да гатоўнасці.

Падліўку можна прыгатаваць і без вяршкоў — проста замяніць іх на булён, змешаны з 1 ст. лыжкай мукі.

Смачна есці!