У мінулую нядзелю на цэнтральнай плошчы горада было шматлюдна. І гэта не дзіўна: некалькі святаў адразу паклікалі людзей павесяліцца: на гэты дзень прыпалі Масленіца, Дзень святога Валянціна, Даравальная нядзеля, Грамніцы, якія ў сувязі з пачаткам 15 лютага Вялікага посту праваслаўная царква перанесла на дзень раней, і ў дадатак — нарэшце настаў Год Тыгра па ўсходнім календары…
Людзі весяліліся, прасілі адзін у аднаго прабачэння, жартаўліва віншавалі сваіх сяброў і блізкіх з яшчэ адным новым годам.
Безумоўна, у цэнтры плошчы быў устаноўлены традыцыйны слуп з шампанскім і цукеркамі на шасцімятровай вышыні. Шчодра раздавалі ўсім весялосць зазывалы. Моладзь з задавальненнем скакала на драўляных конях і вадзіла карагоды вакол кола з рознакаляровымі стужкамі, якое было засяроджана на пошуках нявесты для маладога хлопца, з задавальненнем прынялі ўдзел многія маладыя дзяўчаты. Ім прыйшлося адказваць на вялікую колькасць пытанняў, пакуль пераборлівы жаніх нарэшце выбраў самую разумную і кемлівую. А на сцэне ў гэты час гаспадарылі спевакі. У свяце прынялі ўдзел лепшыя калектывы мастацкай самадзейнасці з усяго раёна…
Ганна Хадаровіч, фота Аляксандра Мелеша.
Больш фота тут: