Значительно подорожал проезд. И в районе, и за его пределами

Значна падскочыў кошт  білетаў на праезд у пасажырскіх цягніках, якія ідуць за межы нашай рэспублікі.

Як нам паведамілі ў даведачнай службе Беларускай чыгункі, цяпер, каб дабрацца  на поездзе Брэст-Масква са станцыі Аранчыцы да расійскай сталіцы, неабходна раскашэліцца мінімум на 462 тысячы рублёў (у плацкартным вагоне). Паездка ж  з камфортам у купэ будзе каштаваць удвая больш – 924 тыс. рублёў.

Плацкартнае месца на поезд  Брэст-Санкт-Пецярбург абыдзецца вам у 512 тысяч рублёў, а паездка ў купэ – 1025 тысяч. У адзін бок!

Мікола Антонаў.

З 1 лістапада павялічыўся і кошт праезду ў гарадскім і прыгарадным грамадскім транспарце.

Як паведамілі ў аддзеле пасажырскіх перавозак аўтамабільнага парка №11 г.Пружаны, цяпер праезд па горадзе складае 1100 рублёў, а на маршрутах «3Т» за білет давядзецца заплаціць 1600 рублёў. Адна паездка ў аўтобусе «2Т», які курсіруе з Аранчыц да Пружан і затым па горадзе, абыдзецца ў 3060 рублёў.

Таксама ўстаноўлены новыя крайнія максімальныя тарыфы на прыгарадныя аўтамабільныя перавозкі: на звычайных маршрутах — 220 рублёў за кіламетр у аўтобусах агульнага тыпу і 228 рублёў — у аўтобусах з мяккімі сядзеннямі.

Марына Вакульская.