Четверг, 20 сентября 2018

Как заинтересовать инвесторов?

1 867

На мінулым тыдні наш раён наведалі прадстаўнікі Дэпартамента па турызму Міністэрства спорту і турызму, а таксама  гасцінічнага бізнэсу. Мэта іх прыезду — узвядзенне аб’ектаў сервісу каля дарожнага абходу  Белавежскай пушчы. Раённыя улады арганізавалі для іх паездку па новай дарозе, дзе на вызначаных кропках адбыліся сустрэчы з патэнцыяльнымі інвестарамі. Нагадаем, што дарожны абход мяркуецца запусціць у эксплуатацыю ў пачатку лістапада бягучага года. Як і аб’екты прыдарожнага сервісу, да якіх адносяцца кафэ, крамы, матэлі або аўтазаправачныя станцыі ў стомятровай зоне ад дарогі. І, калі сама шаша вось-вось пачне эксплуатавацца, дык з сервісам справы кепскія.

Памятаю, як на адным з пасяджэнняў з зацікаўленымі асобамі наконт гэтага пытання старшыня райвыканкама А.І.Юркевіч зазначыў, што калі ў час праектавання было вельмі многа жадаючых, з-за чаго меркавалася акупіць будаўніцтва за кароткі час, то зараз дзяржаўныя арганізацыі маўчаць. А меркавалася

ўзвесці некалькі

АЗС, кафэ і гасцініц… І гэта пры тым, што на турыстычнай карце Еўропы Беларусь выглядае белай плямай. Часта, як расказалі высокія госці, на сайт Дэпартамента па турызму заходзяць прадстаўнікі масавага руху «каравайнераў», якія жадаюць пазнаёміцца з беларускай прыродай. Але ім не могуць прапанаваць ніводнай кропкі, дзе ёсць хаця б мінімальныя зручнасці для турыстаў.

Усяго на тэрыторыі раёна (а тут праходзіць амаль 90 кіламетраў дарожнага абходу) запланаваны дзесяць аб’ектаў прыдарожнага сервісу. З аўкцыёнаў рэалізаваны толькі два ўчасткі. Гаспадар аднаго з іх — ААТ «Жураўлінае» — робіць праект будучага турыстычнага комплекса. А вось прыватны інвестар пакуль марудзіць.

Такая неактыўнасць тлумачыцца як аб’ектыўнымі, так і суб‘ектыўнымі фактарамі. Менавіта пра іх і шляхі вырашэння праблем ішла гутарка. Сярод жадаючых, якія прыехалі на своеасаблівыя сходы, былі інвестары з Мінска і прадстаўнік італьянскага бізнэсу. У ходзе сустрэч была агучана інфармацыя пра запланаваны шэраг змяненняў у адпаведную нарматыўную базу. У прыватнасці, спецыяліст Дэпартамента па турызму А.М.Мартынаў расказаў, што мяркуецца ўвогуле адмовіцца ад правядзення аўкцыёнаў пры размеркаванні ўчасткаў для стварэння прыдарожных аб’ектаў. Некаторыя навінкі ўжо ўступілі ў сілу. Напрыклад, у адпаведнасці з Указам №245 Прэзідэнта Рэспублікі Беларусь, інвестары на ўвесь перыяд будаўніцтва, а таксама на два гады дзеяння аб’екта вызваляюцца ад зямельнага падатку і арэнднай платы. Магчыма, у будучым капіталаўкладальнікі будуць яшчэ вызвалены і ад уплаты падатку на дабаўленую вартасць. Увогуле, паводле слоў Андрэя Міхайлавіча, многія праекты змяненняў ужо гатовыя і разглядаюцца кіраўніком дзяржавы. Аднак, хутчэй за ўсё, карыстацца імі будуць тыя, хто сёння ўжо галасуе за іх правядзенне сваім рублём.

Пра магчымасці раёна і мясцовых улад інвестарам расказалі намеснікі старшыні райвыканкама М.П.Кудравец і В.М.Зубко. Яны ж і наглядна пазнаёмілі бізнэсменаў з прапануемымі ўчасткамі. Прапановы выклікалі пэўную цікавасць, хаця прагучалі і песімістычныя выказванні наконт акупнасці капіталаўкладанняў. Што ж, як сведчыць гісторыя, яшчэ тры дзясяткі гадоў таму турэцкія ўзбярэжжы таксама былі простымі рыбацкімі пасёлкамі. А цяпер?

Алег Сідарэнка, фота аўтара.


Один комментарий

  • Виталий

    заинтересовать инвесторов легко. Надо перестать им вешать, как только пойдет прибыль, всякие зачуханые колхозы совхозы и прочие чудеса **кономики.

    Рейтинг комментария:Vote +10Vote -10

Добавить комментарий

Ваш e-mail не будет опубликован. Обязательные поля помечены *