Четверг, 15 апреля 2021

«Мы будзем рады стаць часткай вашага свята!» Пасля капітальнага рамонту адкрыў дзверы рэстаран «Пружаны»

975

«Мы будзем рады стаць часткай вашага свята!»
Гэта новы дэвіз рэстарана «Пружаны». Дарэчы, цяпер тут новы не толькі дэвіз: абнавілася вельмі многае, мабыць, толькі назва ды адрас (вул. Савецкая, 17) не зведалі змяненняў.


Пасля капітальнага рамонту ўстанова адчыніла дзверы 6 лютага, якраз у традыцыйны вечар сустрэчы выпускнікоў. Арыгінальныя дызайнерскія рашэнні, навінкі ў меню, наяўнасць жывой музыкі так спадабаліся першым наведвальнікам, якія не скупіліся на водгукі ў сацыяльных сетках, што цяпер, каб трапіць у рэстаран у выхадны дзень, трэба запісвацца загадзя.


Дык што змянілася? Першае, што кідаецца ў вочы, – стыльны знешні выгляд залаў. Афармленнем займаўся мінскі дызайнер, які выйграў адпаведны конкурс. Усе памяшканні цяпер выглядаюць па-сучаснаму, сталі больш зручнымі і ўтульнымі.

У асноўнай зале, якая разлічана на 70 месцаў, маецца вялікі мультымедыйны экран, працоўнае месца ды-джэя. Столікі разлічаны на розную колькасць гасцей (ёсць нават аднамесныя) і на кліентаў з рознымі перавагамі (месцы на канапах, асобныя кабінкі).


Банкетная зала разлічана на 16 чалавек, яна выглядае больш урачыста і выдатна падыдзе для сямейных урачыстасцей «для сваіх». У бліжэйшы час расчыніць дзверы і малая зала — для зусім невялічкіх кампаній.


Што тычыцца меню, то сёння ў ім прадстаўлены і беларуская нацыянальная, і еўрапейская кухні.


У беларускім меню вы знойдзеце звыклыя стравы, хоць і ў асаблівым выкананні, а вось еўрапейскае можа здзівіць. Як наконт “Пацарэлы з запечаным перцам і мацарэлай”? Страў з незнаёмымі назвамі нямала, але ўсе інгрэдыенты, з якіх яны прыгатаваны, пералічаны ў меню, а афіцыянты з радасцю вас зарыентуюць у наяўнай разнастайнасці.
Дарэчы, разнастайнасць тычыцца і кошту страў – у рэстаране прапанаваны шырокі дыяпазон. Ды і наогул цэны прыемныя. Напрыклад, абед з трох страў можна заказаць за дзесяць рублёў. Аматары японскай кухні ў хуткім часе змогуць паспытаць у рэстаране сушы і ролы.


У пятніцу і суботу тут гучыць жывая музыка, а ў самых бліжэйшых планах — падключэнне караоке, абсталяванне для якога ўжо набыта.
Але, як гаворыцца, лепш адзін раз убачыць, чым шмат разоў прачытаць…

Заказаць столік можна па нумарах тэлефона: 44-7-45, 90-6-73,

+375-33-640-20-88

або праз інтэрнэт-старонку https://www.instagram.com/restoran.pruzhany/.

Рэстаран працуе:

аўторак-чацвер — з 12.00 да 15.00 і з 17.00 да 24.00 гадзін,

пятніца-субота з 12.00 да 15.00 і з 17.00 да 1.00 гадзіны,

нядзеля — з 17.00 да 24.00 гадзін.