Пружанскі аграрна-тэхнічны каледж паспяхова прайшоў атэстацыю па адпаведных адукацыйных стандартах, з нагоды чаго нядаўна атрымаў спецыяльнае пасведчанне тэрмінам дзеяння на пяць гадоў.
Як расказаў дырэктар гэтай навучальнай установы С.М.Козел, навучанне ў каледжы будзе праводзіцца па ранейшых спецыяльнасцях: аграноміі, тэхнічным забеспячэнні працэсаў сельскагаспадарчай вытворчасці і энергетычным забеспячэнні сельскагаспадарчай вытворчасці. Ужо залічана 25 будучых аграномаў, 50 тэхнікаў-механікаў і 25 тэхнікаў-электрыкаў, якія паступілі ў каледж з базавай адукацыяй.
Да 8 жніўня каледж працягвае прыём дакументаў на згаданыя спецыяльнасці ад выпускнікоў сярэднеадукацыйных школ. На спецыяльнасць аграномія навучэнцы залічваюцца па сярэднім бале атэстата, на дзве астатнія спецыяльнасці па сярэднім бале атэстата і выніках тэсціравання па мове і матэматыцы. У тых выпускнікоў, каму не пашчасціла паступіць у ВНУ, пакуль ёсць добрая магчымасць атрымаць сярэднюю спецыяльную адукацыю.
Прыёмная камісія каледжа працуе ва ўсе дні, акрамя нядзелі. Патэлефанаваць туды можна па нумары 9-11-11.
Галіна Каляда.