Понедельник, 21 сентября 2020

«Коммунальник» проводит дезобработку подъездов. Ночью будут обработаны улицы

776

Важную прафілактычную работу, каб папярэдзіць распаўсюджанне вірусных інфекцый, праводзіць камунальная служба.
Як расказаў намеснік дырэктара па ідэалагічнай рабоце Пружанскага КУВП «Камунальнік» Віталь Казлоў, на працягу апошніх тыдняў «генеральная ўборка» праводзіцца ў пад’ездах жылых дамоў, якія знаходзяцца на балансе прадпрыемства. «Згодна з распрацаваным рэгламентам санапрацоўкі месцаў агульнага карыстання ў шматкватэрных дамах, перыядычна брыгады камунальшчыкаў дэзынфіцыруюць «Полідэзам» канструкцыі, да якіх датыкаюцца людзі: падлогу, поручні, дзвярныя ручкі, панэлі дамафонаў», — удакладніў Віталь Ігаравіч.


А ўноч з 17 на 18 красавіка будзе праведзена планавая папераджальная дэзапрацоўка і гарадскіх вуліц. Спецтэхніка, запраўленая мыйнымі сродкамі, якія ўтрымліваюць актыўныя рэчывы і валодаюць дэзынфіцыруючымі якасцямі, апрацавала дарогі з асфальтавым пакрыццём і тратуары.
Марына Вакульская.
Фота аўтара.