Понедельник, 21 сентября 2020

21 мая — День физкультуры и спорта

1 756
У спорт прыходзяць па-рознаму. Часта дзіцячыя захапленні даюць пачатак спартыўнай кар’еры. Так здарылася і ў жыцці Юрыя Валкавыцкага, трэнера-выкладчыка пружанскага аддзялення Брэсцкай СДЮШАР прафсаюзаў.
Яшчэ будучы вучням СШ №5 Юрый пачаў займацца веласіпедным спортам пад кіраўніцтвам трэнера Анатоля Плескі. Прыйшлі першыя перамогі. Юнаку было прапанавана ўдасканальваць спартыўнае майстэрства ў вучылішчы алімпійскага рэзерву ў Брэсце. Потым была вучоба ў рэспубліканскім вучылішчы алімпійскага рэзерву.
Кандыдат у майстры спорту Юрый Валкавыцкі неаднойчы станавіўся пераможцам прэстыжных рэспубліканскіх спаборніцтваў сярод юніёраў, браў удзел і ў міжнародных — давялося пакалясіць па дарогах Расіі, Польшчы, Літвы, Малдовы і Украіны.
Цяпер трэнер перадае свае веды вучням. Адначасова вучыцца і сам: ён студэнт пятага курса Смаленскай акадэміі фізічнай культуры. Пад кіраўніцтвам Юрыя Валкавыцкага веласпортам займаюцца 30 хлопчыкаў і дзяўчынак. Сярод іх ёсць і  такія, хто падае надзеі стаць у будучым вядомымі спартсменамі. На гэта вельмі спадзяецца Юрый Валкавыцкі. А пакуль круціць педалі веласіпеда разам са сваімі выхаванцамі на дарогах раёна. Пройдзеныя кіламетры стануць залогам будучых перамог.
Мікола Архуцік, Аляксандр Мелеш (фота).

Добавить комментарий

Ваш адрес email не будет опубликован. Обязательные поля помечены *