Понедельник, 22 октября 2018

Дни энергии в Пружанах: экономить электроэнергию тоже важно!

269

Кожны кілават —на вагу золата

І хаця кошт электраэнергіі для насельніцтва наўрад ці можна параўноўваць з сапраўднай цаной самага каштоўнага металу, раённыя энергетыкі вельмі беражліва ставяцца да яе выкарыстання. І адна з асноўных крыніц эканоміі — скарачэнне энергетычных страт на этапе транспарціроўкі электраэнергіі да спажыўца. Гэта адна з функцый дыспетчарскай службы Пружанскіх электрасетак, дзе з экскурсіяй падчас правядзення Дзён энергіі ў Пружанах пабывалі навучэнцы Пружанскага аграрна-тэхнічнага каледжа. Многія з іх пасля заканчэння навучальнай установы таксама будуць працаваць у энергетычнай сферы, і атрыманыя практычныя веды ім прынясуць нямала карысці ў будучай рабоце. Пра што адразу і зазначыў начальнік АДС А. А. Семаковіч. Падлеткі азнаёміліся з работай мнемасхемы, якая ў рэжыме рэальнага часу адлюстроўвае сітуацыю па ўсёй энергасетцы раёна. Дзякуючы аператыўнаму кантролю, можна адразу выявіць аварыйныя сітуацыі і хутка іх ліквідаваць. Таксама дыспетчар накіроўвае экстранныя брыгады на аднаўленчыя работы, кіруе іх дзеяннямі, паралельна збіраючы інфармацыю, якая потым будзе прааналізавана для ўнясення наступных удасканаленняў. Таму дзяжурства тут арганізавана ў кругласутачным рэжыме.
Пасля навучэнцы наведалі і галоўную трансфарматарную падстанцыю горада, дзе начальнік АДС А. А. Семаковіч расказаў пра сучасныя напрацоўкі для рацыяналізацыі энергаспажывання.

Алег Сідарэнка, Сяргей Талашкевіч (фота).

Добавить комментарий

Ваш e-mail не будет опубликован. Обязательные поля помечены *