Воскресенье, 22 апреля 2018

ГАИ выступила с инициативой снизить порог скорости в городе с 60 до 40 км/ч. Мы узнали, как к этому относятся пружанские водители

725

ДАІ Рэспублікі Беларусь выступіла з ініцыятывай знізіць устаноўлены парог хуткасці ў населеных пунктах з 60 км у гадзіну да 40. Ці падтрымліваюць такую ідэю вадзіцелі Пружаншчыны?

Андрэй:

— Неабходнасць уводзіць падобнае абмежаванне ўвогуле не бачу. Напрыклад, у нашым горадзе на многіх участках вуліц ужо стаяць знакі «40». А ёсць і такія месцы, дзе больш і не разгонішся: ці то з-за «ляжачых паліцэйскіх», ці то з-за стану дарог. Пакуль у нас няма «пробак», бо часам можна разагнацца і да 60, а калі забараніць і гэта, то, на маю думку, увесь аўтамабільны паток у Пружанах стане.

Дзмітрый:

— Калі ДАІ прапануе такое, то, напэўна, гэта неабходна. Магчыма, з-за таго, што ў населеных пунктах шмат пешаходаў, у тым ліку і малалетніх, якія могуць раптоўна выбегчы на дарогу. На хуткасці 40 кіламетраў у гадзіну больш аператыўна зрэагуеш на падобную сітуацыю і тармазны шлях будзе значна карацейшым.

Таццяна:

— Калі бачу на дарозе веласіпедыста або пад’язджаю да «зебры», то інтуітыўна зніжаю хуткасць, бо патрэбны час на рэагаванне, калі сітуацыя раптоўна зменіцца. Таму ніякай бяды не бачу ў тым, што дазволеная хуткасць у населеных пунктах стане меншай.

Алена:

— Магчыма, у цэнтры Пружан, дзе шмат пешаходаў і веласіпедыстаў, ды і аўтамабіляў таксама, такое абмежаванне і было б да месца. А вось на перыферыйных вуліцах гэта ўвогуле непатрэбна. Напрыклад, мне неабходна хутчэй даехаць з аднаго канца горада ў іншы, а тут усюды знак «40». І хаця няма ні пешаходаў, ні іншага транспарту, я ўсё роўна павінна ехаць, нібы на веласіпедзе. Вось, дарэчы, на апошні від транспарту варта звяртаць больш увагі: веласіпедысты зараз могуць разагнацца да вялікай хуткасці і не заўсёды выконваюць правілы, ствараючы аварыйныя сітуацыі.

Алег Сідарэнка, Сяргей Талашкевіч (фота).

3 комментариев

  • Александр

    Почему крайними остаются водители? Может стоит проводить какую-то работу с пешеходами, велосипедистами, пешележами и т.д. и т.п.?

    Рейтинг комментария:Vote +1+2Vote -10

  • пенсіянер

    Как уже достали водители: нахалы, чайники, лихачи. балбесы. Я более 60 -лет за рулём велосипеда. В Пружанах тротуар — единственное безопасное место для велосипедиста. в результате пешеходам надо бояться не меньше, чем автомобилей, мотоциклов и т. д.

    Рейтинг комментария:Vote +10Vote -1-1

  • Sralee Muhee

    Исходя из уровня потока авто в Пружанах, я бы и до 30 км/ч ограничил бы их движение на улацах… Чо уж там мелочиться… 😂😂😂

    Рейтинг комментария:Vote +10Vote -1-1

Добавить комментарий

Ваш e-mail не будет опубликован. Обязательные поля помечены *