Среда, 19 сентября 2018

Рэцэпты на Біс: баклажанавыя кішэнькі з мясам

423

Рэцэпт ад аператара ЭВМ Пружанскага хлебазавода Зарыны Крац.

ІНГРЭДЫЕНТЫ

На сярэдні баклажан спатрэбіцца:

фарш — 200 гр.,

соль і перац на смак,

зялёная цыбуля — невялікі пучок,

соевы соус — 2 ст.л.,

кунжутны алей — 1 ст.л. (можна замяніць булёнам).

Для кляра:

яйка — 1 шт.,

соль, перац, вада, мука — каб атрымалася цеста, як на блінчыкі.

ПРЫГАТАВАННЕ

Баклажан заціснуць паміж дзвюма дошчачкамі і надрэзаць на тонкія лустачкі. Дошчачкі не дазволяць нажу прарэзаць баклажан цалкам, і ў выніку ён прыме выгляд сімпатычнага гармоніка. Акуратна аддзяліць па два надрэзаныя кружочкі. Падрыхтаваныя «кішэнькі» баклажан пасаліць і пакуль пакінуць.

Для начынкі змяшаць мясны фарш, нарэзаную зялёную цыбулю, соевы соус і кунжутны алей, пасаліць, паперчыць (улічыце, што соевы соус таксама салёны).

Баклажаны прамыць пад халоднай вадой і абсушыць на папяровых ручніках. У кожную кішэньку пакласці мясную начынку.

Для кляра злёгку ўзбіць яйка відэльчыкам, уліць ваду, дадаць соль, перац і такую колькасць мукі, каб атрымалася негустое цеста, накшталт бліновага.

Абмакнуць баклажаны ў кляр і абсмажыць на патэльні да атрымання залацістай скарыначкі, пасля пад накрыўкай патрымаць на невялікім агні да поўнай гатоўнасці.

Смачна есці!

Добавить комментарий

Ваш e-mail не будет опубликован. Обязательные поля помечены *