На районных соревнованиях по стрельбе победили гимназисты

На базе СШ №1 прайшлі адкрытыя раённыя спаборніцтвы па стральбе з пнеўматычнай вінтоўкі, прысвечаныя Дню памяці воінаў-інтэрнацыяналістаў з Пружанскага раёна, якія загінулі ў Афганістане.

Сваю трапнасць у гэты дзень прыехалі паказаць прадстаўнікі дзесяці школ раёна. На гэты раз для ўдзельнікаў спаборніцтваў арганізатары падрыхтавалі некалькі сюрпрызаў: напрыклад, выкарыстанне падыходаў з патрабаваннямі алімпійскага ўзроўню. У выніку прызавыя месцы размеркаваліся нетрадыцыйна. Самай трапнай камандай сталі вучні гімназіі, на другім і трэцім месцах — стралкі з СШ №1 і СШ №3.

У асабістых заліках лепшыя вынікі паказалі: сярод дзяўчынак — Ганна Кабрынец (СШ №5), сярод хлопчыкаў — Іван Валанчус (гімназія).

Алег СІДАРЭНКА,  Сяргей ТАЛАШКЕВІЧ (фота).