Суббота, 20 января 2018

Рэцэпты на Біс: аладкі «З добрай раніцай»

298

Рэцэпт ад інспектара раённай энергаінспекцыі Надзеі Кныш.

Мае дзеці вельмі любяць снедаць дражджавымі аладкамі, але вазіцца з дражджамі па раніцах вельмі доўга. Аднак я знайшла выдатны варыянт і карыстаюся ім ужо даўно.

Інгрэдыенты:

халоднае малако — 250 мл,

свежыя дрожджы — 10 гр,

цукар — 3 ст. лыжкі (можна менш, але мае ўсе любяць салодкія аладкі),

ванільны цукар (можна без яго),

соль — чвэрць чайнай лыжкі,

яйка — 1 шт.,

алей — 1 ст. лыжка,

мука — 280 гр.

Дрожджы расцерці з цукрам, уліць малако, перамяшаць, дадаць астатнія складнікі, добра змяшаць, шчыльна накрыць харчовай плёнкай або поліэтыленавым пакетам і паставіць на ноч у халадзільнік.

Раніцай цеста перамяшаць і пасмажыць аладкі, як звычайна, на алеі. Можна есці з любым варэннем або са смятанай.

Смачна есці!

Добавить комментарий

Ваш e-mail не будет опубликован. Обязательные поля помечены *