Суббота, 24 октября 2020

Шеф-повар Порослянской СШ готовит «правильные» котлеты!

1 143

Альбіна Пінчук прызнаецца: яшчэ школьніцай настолькі любіла гатаваць, што звязаць сваё прафесійнае жыццё з поварскай справай стала яе дзіцячай марай. Увасобіць яе ў жыццё ўдалося ў Баранавіцкім тэхналагічным каледжы, дзе яна атрымала спецыяльнасць тэхніка-тэхнолага грамадскага харчавання.
Вось ужо другі год як Альбіна Андрэеўна працуе шэф-поварам у Параслянскай школе. Разам яшчэ з трыма работніцамі школьнай сталоўкі штодзень яна клапоціцца пра тое, каб больш за дзве сотні дзяцей былі не проста сытымі, але і задаволенымі тым, што ім прапануюць на абед. А дзецям сёння вельмі складана дагадзіць, як падкрэслівае малады шэф-повар: у іх яшчэ не сфарміраваліся густы і куды больш даспадобы розныя фаст-фуды і іншыя шкодныя прадукты. Але Альбіна Андрэеўна знайшла выйсце: з улікам патрабаванняў да школьнага харчавання, неабходных нормаў бялкоў, тлушчу і вугляводаў яна склала сваё меню, якое з’яўляецца карысным для падрастаючага арганізма. Але, галоўнае, стравы, прыгатаваныя шэф-поварам, надзвычай смачныя і разнастайныя.
— Увогуле на школьных поварах ляжыць надзвычай вялікая адказнасць, — лічыць Альбіна Пінчук. — Бясспрэчна, у школу дзеці, у першую чаргу, ідуць па веды, але, каб яны лепш засвойваліся, трэба арганізаваць для іх правільнае харчаванне.

Марына ВАКУЛЬСКАЯ, Сяргей ТАЛАШКЕВІЧ (фота).

Добавить комментарий

Ваш адрес email не будет опубликован. Обязательные поля помечены *