Суббота, 16 декабря 2017

Не жди! Подпишись на нашу газету и получи ценный приз!

221

 

Правілы правядзення рэкламнай гульні «Падпіска з поспехам»

Сапраўдныя Правілы правядзення рэкламнай гульні «Падпіска з поспехам», накіраванай на стымуляванне падпіскі на газету на першы квартал або першае паўгоддзе 2018 года, рэалізуемай на тэрыторыі Пружанскага раёна Брэсцкай вобласці, распрацаваныя ў адпаведнасці з Палажэннем аб правядзенні рэкламных гульняў на тэрыторыі Рэспублікі Беларусь, зацверджаным Указам Прэзідэнта Рэспублікі Беларусь ад 30.01.2003 №51.

  1. Агульныя палажэнні.

1.1. Арганізатарам рэкламнай гульні з’яўляецца УРГ «Раённыя будні» і праграмы радыёвяшчання «Пружанскае раённае радыё» (далей — Арганізатар), УНП 200027014.

Юрыдычны адрас: Рэспубліка Беларусь, 225133, Брэсцкая вобл., г.Пружаны, вул.Чырвонаармейская, 78.

1.2. Назва рэкламнай гульні — «Падпіска з поспехам».

1.3. Тэрыторыя правядзення гульні — Пружанскі раён Брэсцкай вобласці.

1.4. Тэрмін пачатку і заканчэння гульні: пачатак — 1 лістапада 2017 г., заканчэнне — 31 студзеня 2018 г.

1.5. У склад Камісіі па правядзенні рэкламнай гульні ўваходзяць:

старшыня Камісіі:

Сідарэнка Алег Сяргеевіч — загадчык аддзела рэкламы і маркетынгу УРГ «Раённыя будні» і праграмы радыёвяшчання «Пружанскае раённае радыё»;

члены Камісіі:

Пятрань Таццяна Яўгенаўна — галоўны бухгалтар УРГ «Раённыя будні» і праграмы радыёвяшчання «Пружанскае раённае радыё»;

Вакульская Марына Рышардаўна — загадчыца аддзела пісем і грамадскай думкі УРГ «Раённыя будні» і праграмы радыёвяшчання «Пружанскае раённае радыё»;

Раўнейка Вадзім Васільевіч — старшы карэктар УРГ «Раённыя будні» і праграмы радыёвяшчання «Пружанскае раённае радыё»;

Шчука Іна Фёдараўна — старшы інструктар па эксплуатацыйных, вытворча-тэхнічных і арганізацыйных пытаннях Пружанскага РВПС Брэсцкага філіяла РУП «Белпошта».

1.6. Сапраўдная рэкламная гульня праводзіцца ў мэтах стымулявання падпіскі на газету на першы квартал або першае паўгоддзе 2018 года.

  1. Умовы, пры захаванні якіх спажывец тавараў (работ, паслуг) становіцца ўдзельнікам рэкламнай гульні.

2.1. Агульныя ўмовы.

У рэкламнай гульні прымаюць удзел грамадзяне Рэспублікі Беларусь, якія дасягнулі 18-гадовага ўзросту. Для ўдзелу ў рэкламнай гульні грамадзянін павінен у перыяд з 1 лістапада па 31 снежня 2017 года аформіць у аддзяленні паштовай сувязі або ў паштальёна падпіску на пружанскую раённую газету «Раённыя будні» на першы квартал або першае паўгоддзе 2018 года. Далей арыгінал або копію квітанцыі аб падпісцы на першы квартал або першае паўгоддзе 2018 года з 1 лістапада 2017 года па 5 студзеня 2018 года неабходна прынесці або адправіць па пошце Арганізатару — УРГ «Раённыя будні» і праграмы радыёвяшчання «Пружанскае раённае радыё» на адрас: 225133, г.Пружаны, вул.Чырвонаармейская, 78 з пазнакай «гульня». Паштовыя адпраўленні будуць прымацца да ўдзелу ў рэкламнай гульні па адзнацы аб атрыманні.

  1. Склад і памер прызавога фонду рэкламнай гульні і крыніцы яго фарміравання:

—мікрахвалевая печ «MIDEA MM720 СРІ», РБ, СТАА «Мідэя-Гарызонт» (127,28 бел. руб.);

—прас «VES VES-1618», Германія (40,89 бел. руб.);

—чайнік «HITT HT-5001», КНР (15,67 бел. руб.);

—набор посуду «Peterhof РН-15728», Германія (48,79 бел. руб.);

—пліта газавая настольная «Гефест ПГ 700-03», РБ, УП «Гефест-тэхніка» (54,84 бел. руб.);

—мультыварка «Mystery MCM-5014 белая», РФ (56,29 бел. руб.);

—кававарка «ARESA AR-1603», КНР (28,44 бел. руб.);

—блендар «ARESA AR-1101», КНР (23,44 бел. руб.).

Прызавы фонд складае 395 (трыста дзевяноста пяць) беларускіх рублёў 64 (шэсцьдзясят чатыры) капейкі.

Прызавы фонд сфарміраваны з маёмасці Арганізатара.

  1. Розыгрыш адбудзецца 10 студзеня 2018 г. у 12.00. па адрасе: г. Пружаны, вул.Чырвонаармейская, 78.

Усе квітанцыі аб падпісцы, якія ўдзельнічаюць у розыгрышы, загружаюцца ў лататрон і змешваюцца, затым адзін з членаў Камісіі дастае з лататрона квітанцыі. Прызавы фонд разыгрываецца ў паслядоўнасці, паказанай у пункце 3.

  1. Пераможцы рэкламнай гульні будуць праінфармаваны аб выйгрышы падчас правядзення розыгрышу, а таксама, у выпадку адсутнасці ў момант розыгрышу, шляхам пісьмовага паведамлення да 15 студзеня 2018 года.
  2. Прызы можна атрымаць пасля заканчэння розыгрышу і да 31 студзеня 2018 г. па адрасе: г.Пружаны, вул.Чырвонаармейская, 78.

Пры атрыманні прыза неабходна прад’явіць дакумент аб сведчанні асобы.

  1. Адказнасць па выплаце падаткаў, прадугледжаных заканадаўствам Рэспублікі Беларусь, у сувязі з атрыманнем прызоў ляжыць на пераможцах рэкламнай гульні.

Арганізатар не аплачвае выдаткі, звязаныя з прыбыццём у месца атрымання прызоў.

  1. Выплата грашовага эквіваленту кошту прызоў альбо замена іншымі прызамі не ажыццяўляецца. Грашовая кампенсацыя за адмову ад прыза па якіх-небудзь прычынах або ў выпадку, калі прыз не будзе запатрабаваны на працягу вышэй устаноўленага тэрміну, не выдаецца.
  1. Уладальнікі прызоў пры іх атрыманні абавязаны запоўніць усе дакументы, неабходныя Арганізатару для належнага афармлення правядзення рэкламнай гульні і складання справаздачнасці па выніках розыгрышу.
  1. Правілы правядзення рэкламнай гульні апублікаваны ў газеце «Раённыя будні» і на сайце www.budni.by да пачатку рэкламнай гульні. Вынікі рэкламнай гульні будуць апублікаваны ў газеце «Раённыя будні» 13 студзеня 2018 г. і на сайце Арганізатара www.budni.by.
  1. Кантактны тэлефон для даведак па пытаннях правядзення рэкламнай гульні: +375-1632-9-15-02.

Пасведчанне аб дзяржаўнай рэгістрацыі №3120 ад 24 кастрычніка 2017 года, выдадзенае Міністэрствам антыманапольнага рэгулявання і гандлю Рэспублікі Беларусь.

Добавить комментарий

Ваш e-mail не будет опубликован. Обязательные поля помечены *