Суббота, 31 октября 2020

Восемь пружанцев пришли со своими проблемами на прием к представителю Администрации Президента РБ Юрию Кривошееву

1 140

Адміністрацыя Прэзідэнта працягвае праводзіць выязныя прыёмы грамадзян у рэгіёнах. Нядаўна ў Пружанскім райвыканкаме асабісты прыём грамадзян вёў начальнік галоўнага ўпраўлення кадравай палітыкі Адміністрацыі Прэзідэнта Рэспублікі Беларусь Юрый Крывашэеў.

На сустрэчу з Ю.В.Крывашэевым прыйшлі восем чалавек. Тэмы пытанняў, якія ўздымаліся перад чыноўнікам, былі розныя: выдзяленне зямельных учаcткаў і сацыяльнага жылля, знос дрэў і рух велікагрузных машын па гарадскіх вуліцах. Па чатырох зваротах пэўныя даручэнні атрымалі прадстаўнікі раённай улады.

У прыватнасці, гараджанін папрасіў выдзеліць зямельны ўчастак для вядзення фермерскай гаспадаркі. Юрый Крывашэеў разам з кіраўніком раёна Міхаілам Крэйдзічам і спецыялістамі райвыканкама змаглі знайсці варыянт, які задаволіў мужчыну: па стане на 28 верасня прынята рашэнне райвыканкама аб магчымасці размяшчэння фермерскай гаспадаркі на зямлі ў раёне вёскі Палонна-Забалацце. Гараджаніну засталося прайсці дзяржаўную рэгістрацыю ўласнай гаспадаркі.

Сярод тых, хто звярнуўся да Ю.В.Крывашэева быў жыхар аднаго з аграгарадкоў раёна. Каменем спатыкнення паміж мужчынам і яго суседам стала дрэва, якое расце ў двары іх чатырохкватэрнага дома: густая крона надта зацямняе адну з кватэр. Яе гаспадар не знайшоў агульнай мовы з суседам, які пасадзіў дрэва, і вырашыў заручыцца падтрымкай улады. Але спрэчнае пытанне, кропку ў якім суседзі не могуць паставіць вось ужо каторы год, патрабуе дэталёвага вывучэння: якія меры будуць прыняты — залежыць ад вынікаў санітарнага даследавання.

Трое грамадзян прыйшлі на прыём да Ю.В.Крывашэева, бо не былі згодны з прынятымі судовымі рашэннямі. Але, акрамя як растлумачыць парадак абскарджання гэтых рашэнняў, інакш дапамагчы ім было немагчыма.

Для кожнага з тых, хто прыйшоў на прыём да прадстаўніка Адміністрацыі Прэзідэнта, узнятыя праблемы былі актуальнымі і набалелымі. І, паводле слоў Юрыя Васільевіча, ніводнае з агучаных пытанняў не застанецца без увагі, бо па выніках іх рашэння людзі мяркуюць аб эфектыўнасці ўлады.

Марына ВАКУЛЬСКАЯ, Сяргей ТАЛАШКЕВІЧ (фота).

Добавить комментарий

Ваш адрес email не будет опубликован. Обязательные поля помечены *