Вторник, 23 января 2018

Номера, по которым пружанцы могут вызвать помощь через СМС. Внимание! Службы просят пользоваться ими только инвалидов

361

У службы экстранага рэагавання можна патэлефанаваць па кароткіх нумарах 101, 102, 103, 104 або па адзіным нумары 112.  А яшчэ цяпер можна звярнуцца па дапамогу і праз СМС-паведамленне па мабільным тэлефоне. Такая сусветная практыка ўкараняецца і ў нашай краіне, у першую чаргу, для тых людзей, хто не можа размаўляць па стане здароўя або па іншых прычынах.

Райаддзел па надзвычайных сітуацыях  (101)

Як паведамілі нам у службе выратавання, укараненне не мінула іх бокам. Менавіта тут працуе адзіны Цэнтр аператыўнага кіравання, куды паступае інфармацыя аб надзвычайных здарэннях любога характару. Таму ёсць і  свой нумар мабільнага тэлефона:  +375-33-641-77-66.  Аднак прызначаны гэты спосаб сувязі толькі для людзей з праблемамі  маўлення. Усім  іншым выратавальнікі настойліва рэкамендуюць выклікаць дапамогу галасавым паведамленнем: у размове дыспетчар можа адразу ўдакладніць дадатковую інфармацыю, важную выратавальнікам. Напрыклад, як хутчэй даехаць да месца здарэння, на якім паверсе дома стварылася небяспечная сітуацыя. Ад гэтага залежыць, які разлік і колькі машын будуць накіраваны на дапамогу.

Міліцыя (102)

Акрамя тэлефанаванняў на кароткі нумар 102 або іншыя тэлефоны для ананімных паведамленняў, супрацоўнікі райаддзела ўнутраных спраў павінны рэагаваць і на паведамленні з дапамогай СМС. Для чаго і ўведзены адзіны нумар: +375-29-202-94-98.

Але міліцыянеры просяць не толькі пісаць: «Дапамажыце!», але і не забыцца напісаць адрас, па якім павінна выехаць група рэагавання.

Хуткая медыцынская дапамога (103)

Нумар мабільнага тэлефона для выкліку дапамогі праз СМС ёсць і ў брыгад «хуткай дапамогі». Адпраўляць тэкставае паведамленне можна на нумар: +375-33-392-96-54.

Спецыялісты «хуткай» таксама заклікаюць карыстацца такой магчымасцю толькі ў надзвычайных выпадках, бо медыкам  неабходна ўдакладніць прычыну выкліку, каб загадзя падрыхтавацца да аператыўных дзеянняў. І, безумоўна, без указанага адраса машына наўрад ці куды прыедзе.

Газавая служба (104)

Аварыйна-дыспетчарская служба прымае экстраныя паведамленні не толькі па нумары 104, але і на мабільную лінію — +375-33-399-18-03. Тут таксама дзейнічаюць вышэйназваныя правілы: трэба ўказаць адрас, прычыну выкліку і сваё прозвішча. Як паведамляюць спецыялісты газавай службы нашага райцэнтра, такая магчымасць таксама  даецца менавіта тым, хто не можа гаварыць па стане здароўя. І просяць не жартаваць з гэтым нумарам.

***

Варта дадаць, што нягледзячы на тое, абанентам якога аператара вы з’яўляецеся, абавязкова трэба набіраць адрас атрымальніка СМС менавіта так, як напісана.

 

Добавить комментарий

Ваш e-mail не будет опубликован. Обязательные поля помечены *