Суббота, 26 мая 2018

Первый урожай пружанского фермера: 200 килограмм голубики

2 353

Аддаючы прыярытэт развіццю буйнатаварных сельскагаспадарчых прадпрыемстваў, наша дзяржава ўдзяляе ўвагу і фермерскім гаспадаркам, якія адыгрываюць няхай і невялікую, аднак, тым не менш, вельмі важную ролю ў забеспячэнні харчовай бяспекі краіны. Але, нягледзячы на падтрымку, колькасць фермераў пастаянна вагаецца, што, безумоўна, сведчыць пра тое, што праца на зямлі вельмі складаная і не кожны можа з ёй справіцца. Як лічыць уладальнік фермерскай гаспадаркі «Трусавіца» Аляксандр Янушкевіч, неабходна знайсці сваю справу, нішу ў гэтай дзейнасці. Напрыклад, летась Аляксандр вырашыў заняцца вырошчваннем буякоў.

— Гэта ягада на сённяшні дзень мае высокую рэнтабельнасць,— тлумачыць такі выбар фермер.— Напрыклад, кожная трэцяя гаспадарка ў нашых суседзяў палякаў займаецца менавіта яе вырошчваннем. І сотні тон адпраўляюць у Расію.

Тлумачыцца такая папулярнасць буякоў вельмі проста. У параўнанні з іншымі гэта ягада мае карысныя спажыўныя рэчывы, прычым увогуле неалергенная, з-за чаго яе дазваляецца есці нават немаўлятам. Падыходзіць яна і для захоўвання на працяглы тэрмін. Лепш за ўсё даследчыкі раяць трымаць у замарожаным выглядзе, бо такім чынам лепш захоўваюцца карысныя рэчывы. Для ўжывання падыходзяць практычна ўсе стравы з буякоў. Афіцыйна пацверджаны выпадкі вылечвання ў людзей алергіі. А нядаўна ў гэтай ягадзе былі знойдзены антыаксідантныя рэчывы, якія дазваляюць праводзіць прафілактыку і паспяхова змагацца з анкалагічнымі хваробамі.

Улічваючы такі попыт, зараз да вырошчвання буякоў пачалі прыступаць некаторыя прадпрыемствы аграпрамысловага комплексу, у тым ліку і ў нашым раёне. Аднак гэта буйнатаварная вытворчасць, якая разлічана на аптовых пакупнікоў. Калі ж параўноўваць з попытам нашых суседзяў, то, мяркуецца, што хутчэй за ўсё пераважная большасць ураджаю пойдзе на экспарт.

Гэтая ягадная культура пакуль новая для нашай краіны і не так шырока распаўсюджана, як іншая сельскагаспадарчая прадукцыя. Працяглы час фермер Янушкевіч вывучаў вопыт работы некалькіх беларускіх калег. Давялося «пералапаціць» вялікую колькасць літаратуры, каб ведаць усе нюансы апрацоўкі ягаднікаў.

— Для нашага клімату падыходзяць 6-8 сартоў буякоў, якія могуць даць неблагі ўраджай з чэрвеня па верасень. Мы спрабуем пакуль вырошчваць пяць з іх.

Пачаў Аляксандр з паўтары тысячы саджанцаў, якія сёлета далі магчымасць сабраць каля 200 кілаграмаў ягады. Безумоўна, гэта яшчэ не фермерскія паказчыкі, а хутчэй за ўсё толькі дапаможнай гаспадаркі. У планах у Янушкевіча павялічыць плошчу «Трусавіцы» яшчэ на пяць гектараў няўдобіц, з якіх два — выдатна падыходзяць для вырошчвання буякоў. Сапраўды, буякі — вельмі патрабавальная ягада. Яе капрызы неабмежаваныя: пачынаючы ад асаблівага хімічнага і мінеральнага складу глебы і заканчваючы спосабамі падкормкі кустоў.

— Спачатку здаецца, што ягаду вырошчваць вельмі складана. Так, у параўнанні з вельмі папулярнымі клубніцамі буякі патрабуюць больш догляду. Але потым ягада аддзячыць свайго гаспадара,— лічыць Аляксандр. І мяркуе ў будучым прадаваць не толькі ягаду, але і саджанцы, каб жадаючыя жыхары раёна маглі б самастойна вырошчваць буякі.
Алег СІДАРЭНКА.

НА ЗДЫМКАХ: з аднаго дарослага куста можна зняць некалькі кілаграмаў вельмі карысных
і смачных ягад.
Фота аўтара.

4 комментариев

  • Маладец! Ещё раз подтверждается поговорка:»Кто хочет что-то сделать-ищет способы,а кто не хочет-оправдание». 🙂 🙂 🙂

    Рейтинг комментария:Vote +10Vote -10

  • Прывiтанне з Бярэзiншчыны. У нашых мясцiнах гэтыя ягады называюць бугаi. Добра што нешта жадае яе вырошчваць! Сэрца крывёю аблiваецца, калi бачу куст чарнiцы без анiякага лiсце апасля таго, як мясцовыя жыхары збiраюць ягады камбайнамi… Мабыць хоць у некага з’явiлася жаданне аднавiць частку нашага багацця — i тое добра.

    Рейтинг комментария:Vote +10Vote -10

  • Алекс

    Учите родную мову. А то скоро друг друга перестанете понимать. Мы все учились в школе ,может говорить и читать на родном языке,только надо придти к единому мнению. а то пишете и почти никто не знает о чемю Нам не стыдно.Надо отходить от «трасянки»,это важно.Не стесняйтесь написать когда что-то непонятно русское название.Не вижу в этом ничего зазорного. А то эти ляпы с рекламой, погодой У Рызе и прочимне красят наш родной язык.Вот только он родной и непохожий на другой почти в каждом селе.

    Рейтинг комментария:Vote +10Vote -10

Добавить комментарий

Ваш e-mail не будет опубликован. Обязательные поля помечены *