Пятница, 15 декабря 2017

Апрельские заморозки: под угрозой озимый рапс, сурепица и абрикосы

348

Даўно не назіралася ў нашай мясцовасці такіх працяглых красавіцкіх начных замаразкаў, як сёлета. Па дадзеных метэастанцыі найбольш паветра ахалоджвалася ў ноч з 17 на 18 красавіка. На вышыні двух сантыметраў ад паверхні зямлі слупок тэрмометра апускаўся да адзнакі мінус 5,2 градусы. На тарфяна-балотных глебах гэты мінус быў яшчэ большы.

Усё гэта не можа не выклікаць трывогу ў аграрыяў, гаспадароў прысядзібных і дачных участкаў. Як паведаміў начальнік раённай дзяржаўнай інспекцыі па насенняводстве, каранціне і ахове раслін І.І.Гаманчук, найбольшую занепакоенасць выклікае стан азімага рапсу і азімай свірэпіцы. Лён павінен вытрымаць адмоўныя начныя тэмпературы, але зменшыцца выхад валакна. У садах ад нізкіх тэмператур могуць пацярпець чарэшні, вішні, грушы і абрыкосы. Дарэчы, абрыкосы знаходзяцца ў стадыі цвіцення, але насякомых апыляльнікаў не бачна.

Начныя замаразкі і нізкія дзённыя тэмпературы істотна паўплывалі на ход веснавых палявых работ у гаспадарках раёна. У прыватнасці, прыпынена сяўба цукровых буракоў, згорнуты хімпраполкі, апрацоўкі пасеваў супраць хвароб і шкоднікаў.

Казаць пра тое, якую шкоду нанеслі працяглыя начныя замаразкі сельгасвытворцам, пакуль рана. Гэта стане вядома пасля ўстанаўлення ўстойлівага цяпла.    

Мікола АРХУЦІК.

Здымак носиць илюстрацыйны характар.

Добавить комментарий

Ваш e-mail не будет опубликован. Обязательные поля помечены *