Замест павесткі аб яўцы ў суд у якасці адказчыка я атрымаў СМС-паведамленне. Ці з’яўляецца гэта належным апавяшчэннем па справе? Ці разгледзіць суд справу ў маю адсутнасць? Калі так, ці магу я абскардзіць разгляд справы без майго ўдзелу?
Са званка ў рэдакцыю. 
Адказвае адвакат юрыдычнай кансультацыі Надзея Міхайлаўна Станкевіч.
— Безумоўна, суддзя павінен прыняць меры для належнага ўведамлення ўдзельнікаў працэсу па судовым разбіральніцтве, каб ўдзельнікі працэсу і зацікаўленыя асобы мелі рэальную магчымасць з’явіцца ў суд. Мы прывыклі, што звычайна гэта робіцца з дапамогай папяровай павесткі. Але сёння ўдзельнікі грамадзянскай судавытворчасці могуць быць абвешчаны альбо выкліканы не толькі заказным пісьмом з паведамленнем аб яго ўручэнні, тэлефанаграмай ці тэлеграмай, але і СМС-паведамленнем, з дапамогай факсімільнай сувязі, інтэрнэту, у тым ліку электроннай пошты, а таксама іншых сродкаў сувязі, якія забяспечваюць фіксаванне апавяшчэння альбо выкліку.
Адным словам, СМС-паведамленнем на асабісты нумар мабільнага тэлефона чалавек належным чынам апавешчаны і суд пры яго няяўцы можа разгледзець справу і без адказчыка.
Вось толькі няяўка ў суд без уважлівай прычыны з’яўляецца непавагай да суда, за што можна атрымаць не толькі папярэджанне, але і штраф у памеры да 20 базавых велічынь альбо адміністрацыйны арышт.