Суббота, 10 апреля 2021

Знаменитых земляков на стене гостиницы «Мухавец» заменили современниками

1 865

Пано з выявамі знакамітых землякоў  на будынку пружанскай  гасцініцы “Мухавец” з 1 красавіка змянілася.

Справа ў тым, што амаль за паўтара дзесяцігоддзя многім  пружанцам так і не ўдалося запомніць  герояў карціны (нагадаем, што яна намалявана ў  2003 годзе да рэспубліканскага свята-кірмашу “Дажынкі”)  — мастака  Станіслава Жукоўскага,   спевака Міхася Забэйду-Суміцкага і  пісьменніка Юзафа Крашэўскага. Каго толькі ні называюць!  Сярод самых распаўсюджаных версій — Янка Купала, Якуб Колас і Рыгор Шырма.

Каб не здзеквацца з памяці людзей, якія праславілі Пружаншчыну далёка за яе межамі, і спыніць блытаніну, было прынята рашэнне замест гістарычных асоб намаляваць партрэты сучаснікаў.  Гэта  паважаныя і добра  вядомыя ў раёне творцы:  музыкант,  мастацкі кіраўнік народнага хору “Вербніца” Іван Гвоздзік; паэт, член Саюза пісьменнікаў Беларусі Мікола Антаноўскі. Што тычыцца выбару трэцяй асобы, то з пратэстам  аб парушэнні гендарнай роўнасці выступілі  члены пружанскай суполкі феміністак “Мухаўчанка”. Яны палічылі, што пачэснае месца на пано павінна заняць выява жанчыны, і  прапанавалі кандыдатуру  мастачкі, народнага майстра Беларусі Марыі Кулецкай.

Будзем спадзявацца, што пружанцы дастойна ацэняць работу  рэстаўратараў.

Кацярына ПАШКЕВІЧ,  Сяргей ТАЛАШКЕВІЧ (фота).

2 комментариев

  • пенсіянэр

    Самопровозглашенная служба безопасности района разбирается откуда взялись деньги…

    Рейтинг комментария:Vote +10Vote -10

  • Андрей

    А по какому принципу и кто выбирал достойных граждан ?

    Рейтинг комментария:Vote +10Vote -1-1

Добавить комментарий

Ваш адрес email не будет опубликован. Обязательные поля помечены *