Четверг, 24 мая 2018

У Стойлах паказалі батлейку

861

І вось яно адбылося: першае прадстаўленне батлеечнага спектакля ў грамадска-адукацыйным цэнтры “Вясковы рэнесанс”, што ў вёсцы Стойлы. Так-так, той самай батлейкі, пра якую, як памятаеце, мы пісалі ў снежні. Напачатку гэтай зімы  яе        талакой рабілі майстры – члены грамадскага аб‘яднання аматараў мастацтваў рэгіёна “Белавежская пушча” і Брэстчыны “ТУР”. Для прэм‘еры выбралі класічны калядны сюжэт “Цар Ірад”– біблейскую гісторыю, расказаную немудрагелістай мовай лялечнага спектакля.img_9483

Якія ўражанні, спытаеце?

Уласна кажучы, ёсць гісторыі, якія ніколі не надакучваюць. Адна з іх – аб нараджэнні Немаўляці Ісуса, Віфлеемскай зорцы, што ўказала шлях чарадзеям, і цары Ірадзе, імя якога стала сімвалам зладзейства. Ды толькі неяк сумніўна мне было, што дзясятак драўляных лялек, нават зробленых таленавітымі майстрамі, здольны ўразіць сённяшнюю публіку.img_9540

Але… Публікі на прэм‘ерным спектаклі сабралася  столькі, што ў прасторнай  альтанцы яблыку не было дзе ўпасці. Дарослыя сур‘ёзныя людзі, у якіх нязвыкла радасна свяціліся вочы.  Напэўна, проста мы ўсе з галавою акунуліся ў свята бесклапотнага  дзяцінства — з вялізнай да столі ёлкай, з цукеркамі і самаробнымі цацкамі, мільгаючымі агеньчыкамі свечак.img_9550

А яшчэ тут быў застаўлены разнастайнымі поснымі стравамі  стол, дзе з-пад абруса тырчалі сянінкі. І былі чароўнае  дзейства,  якое хацелася  назіраць  бясконца, і цудоўныя аўтэнтычныя калядныя спевы сясцёр Лук‘яновіч з Драгічынскага раёна. А за  вялікімі вокнамі, упрыгожанымі сняжынкамі, церусіў сняжок, ярка гарэў агонь у каміне, і ў сэрца ціха ўваходзілі любоў і радасць…img_9567 img_9570

Зразумела, што сваю ролю тут адыграў талент народных майстроў Анатоля Туркова, Уладзіміра Чыквіна, Марыі Кулецкай, Валерыя Манцэ-віча, Аляксандра Лазеркі, Наталлі Глявацкай, Наталлі  Ярмоцык, Таццяны Зданевіч, Марыны Марчук, якія першую на Пружаншчыне  батлейку ўсе разам  малявалі, выразалі, распісвалі. А да іх мастацкіх талентаў дабавілася  апантанасць   арганізатараў  і акцёраў Ларысы і Аляксандра Быцко. img_9459

Ды што я ўсё гэта апісваю? Лепш адзін раз паглядзець, чым сто разоў пачуць. Калядныя святы працягваюцца і  батлейка ў Стойлах  гатова прыняць гледачоў.

Ірына СЯДОВА.

На здымках: Аляксандр і Ларыса Быцко; падчас спектакля.

Фота аўтара.

Один комментарий

  • СанЁк

    Очень классное место, всем советую побывать, отдохнете душой и телом !!!

    Рейтинг комментария:Vote +10Vote -10

Добавить комментарий

Ваш e-mail не будет опубликован. Обязательные поля помечены *